Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Роҳбари Дастгоҳи Вазири корҳои дохилии Ҷумҳурии Тоҷикистон

Dovar

Салимбойзода Довар Салимбой - полковники милитсия. 11 октябри соли 1977 таваллуд шудааст. Миллаташ тоҷик. Маълумоташ олии ҳуқуқӣ. Соли 1997 Донишгоҳи озоди Тоҷикистон, соли 2006 Донишгоҳи давлатии миллии Тоҷикистонро бо ихтисоси ҳуқуқшинос ва соли 2017 факултети №1-и Академияи Вазорати корҳои дохилии Ҷумҳурии Тоҷикистон барои ҳайати роҳбарикунандаро хатм намудааст. 

Хизмат дар мақомоти корҳои дохилӣ аз соли 1997.
Фаъолияти худро аз вазифаи муфаттиши Шуъбаи тафтишотии Шуъбаи корҳои дохиллии шаҳри Панҷакенти вилояти Суғд оғоз намудааст. Соли 2002 Муфаттиши калони Раёсати тафтишотии Вазорати корҳои дохилии Ҷумҳурии Тоҷикистон. Солҳои 2004-2009 ба ҳайси сармутахассиси Шуъбаи мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон фаъолият намудааст. Аз моҳи майи соли 2009 то моҳи январи соли 2012 Референти муовини аввали Вазири корҳои дохилӣ, солҳои 2012-2014 нозири калон оид ба корҳои махсусан муҳими Дастгоҳи Вазири корҳои дохилӣ, солҳои 2014-2017 муовини сардори Раёсати нозиротӣ-ташкилии Вазорати корҳои дохилӣ, солҳои 2017-2019 муовини Роҳбари Дастгоҳи Вазири корҳои дохилӣ фаъолият намудааст.
Салимбойзода Довар Салимбой санаи 29 ноябри соли 2019 ба вазифаи Роҳбари Дастгоҳи Вазири корҳои дохилӣ таъин гардида, адои вазифа намуда истодааст.
Мавсуф аълочии милитсия буда, аз ҷониби роҳбарияти Вазорати корҳои дохилӣ бо як қатор медалу Сипосномаҳо мукофотонида шудааст.
Ҳамчунин, барои ба даст овардани натиҷаҳои назаррас ва зоҳир намудани малакаю маҳорати касбӣ бо мукофоти давлатӣ - медали «Хизмати шоиста» сарфароз гардонида шудааст.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика