Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Раёсати кадрҳо ва кор бо ҳайати шахсии Вазорати корҳои дохилии Ҷумҳурии Тоҷикистон

Сардори Раёсат: Рамазонзода Суҳроб Кароматулло - генерал-майори милитсия, таваллудаш 1-уми апрели соли 1979, миллаташ тоҷик. Маълумоташ олии ҳуқуқшиносӣ. Соли 2002 Донишгоҳи миллии Тоҷикистон ва соли 2011 факултети №1-и Академияи Вазорати корҳои дохилии Ҷумҳурии Тоҷикистонро барои ҳайати роҳбарикунанда ба итмом расондааст. Хизмат дар мақомоти корҳои дохилӣ: аз 20 октябри соли 2002.

Дар давоми собиқаи корӣ дар вазифаҳои гуногун фаъолият намудааст:
Муфаттиш - криминалисти шӯъбаи назорати методии Раёсати тафтишотии ВКД, муфаттиши Шӯъбаи тафтиши ҷиноятҳои марбут ба гардиши ғайриқонунии воситаҳои нашъадори Раёсати тафтишотии ВКД, сардори шӯъбачаи шаҳрии милитсияи ШВКД дар ноҳияи Шоҳмансури шаҳри Душанбе. Сардори ШВКД хати фурудгоҳи шаҳри Душанбе Раёсати ВКД Ҷумҳурии Тоҷикистон дар нақлиёт, сардори Хадамоти шиносномавию бақайдгирии Вазорати корҳои дохилии Ҷумҳурии Тоҷикистон.
Рамазонзода Суҳроб Кароматулло аз моҳи июли соли 2016 ба вазифаи сардори Раёсати кадрҳо ва кор бо ҳайати шахсии Вазорати корҳои дохилӣ таъин гардида, адои вазифа намуда истодааст.
Мавсуф аълочии милитсия буда, аз ҷониби роҳбарияти Вазорати корҳои дохилии Ҷумҳурии Тоҷикистон бо як қатор медалу нишонҳои сарисинагӣ ва Ифтихорномаю Раҳматномаҳо, аз он ҷумла, бо медалҳои «Барои хизматҳои шоён» дараҷаҳои I, II, III, «Милитсияи Тоҷикистон», «85-солагии милитсияи Тоҷикистон» ва нишони сарисинагии «Барои хизматҳои аъло» мукофотонида шудааст.

Ҳамчунин барои ба даст овардани натиҷаҳои назаррас дар фаъолияти хизматӣ бо мукофоти давлатӣ – медали «Хизмати шоиста» сарфароз гардонида шудааст.
Рамазонзода Суҳроб Кароматулло аъзои ҳайати Мушовараи Вазорати корҳои дохилии Ҷумҳурии Тоҷикистон мебошад.


 




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика