Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Қаҳрамони Иттиҳоди Шӯравӣ Магомет Мирзоев корманди ВКД буд

Магомет Мирзоев (Муҳаммад Ҳоваҷӣ) соли 1910 дар хутори Алхазуровои ноҳияи Урун-Мартан таваллуд шудааст, милаташ чечен. Мактаби миёнаро хатм намуда, ба Донишкадаи педагогӣ дохил шуд ва 3-сол таҳсил кард. Соли 1931 ба Омӯзишгоҳи кавалерии шаҳри Новочеркасск фиристода шуд. Соли 1940 мактаби дусолаи ҳайти миёнаи роҳбарикунандаи Комиссариати халқии корҳои дохилиро хатм карда, барои кор ба Тоҷикистон фиристода шуд. Ӯ ба мақомоти корҳои дохилӣ ба кор омада, то оғози ҷанг дар Ленинобод ба сифати нозири бозрасии идораи оташнишонии шаҳрӣ фаъолият мекунад.

Моҳи сентябри соли 1941 ӯро ба сафҳои Артиши Шӯравӣ даъват намуданд ва ӯ ба қисми саворае, ки он рӯзҳо дар Тоҷикистон таъсис дода мешуд, шомил гардид. Фаъолияти ҷангии худро аз ҷангҳои назди Сталинград оғоз намуда, ҳангоми фатҳи Днепр корнамоӣ нишон дод.

29-уми сентябри соли 1943 Магомет дар яке аз қайиқҳои аввалин ба соҳили рости дарё гузашта, бо пулемёт мавқеи ба даст овардаро нигоҳ медошт. Маҳз бо ҷасорати худ ӯ убури бомуваффақияти дарёро аз ҷониби воҳидҳои боқимондаи полк таъмин намуд.

Дар набардҳо баҳри мустаҳкам намудани мавқеи ба даст овардашуда, Магомет Мирзоев захми ҳалокатовар бардошт. Барои ҷасорат ва мардонагӣ бо Фармони Раёсати Шӯрои Олии ИҶШС аз 15-уми январи соли 1944, пас аз марг ба Магомет Мирзоев унвони Қаҳрамони Иттиҳоди Шӯравӣ дода шуд.

Рухшона Боева, Шаҳодат Мавлянова, СХДО ВКД ҶТ.


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика