Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Раҳматнома

Ба Вазири корҳои дохилии       

Ҷумҳурии Тоҷикистон                

генерал-лейтенанти милитсия

мӯҳтарам Рамазон Раҳимзода  

 

 Аз тарафи хоҷагидорон ва

истиқоматкунандагони мавзеи

Дасторкозии ноҳияи Темурмалики

вилояти Хатлон 

Мо як гурӯҳ хоҷагидорон ва истиқоматкунандагони деҳаи Дасторкозии ноҳияи Темурмалик миннатдории худамонро ба Шумо мӯҳтарам Вазир ва корманди бахши тафтишотӣ полковник Ҳалимов Бобоҷон мерасонем.

Солҳои зиёде буд, ки мо дар деҳаи Дасторкозӣ хоҷагидорӣ ва зиндагии ором доштему шукри тинҷиву оромӣ ва истиқлолияту якпорчагии мамлакат мекардем. Шаҳрванд Бобоқулов Гулмурод соҳиби замин шуду оромию тинҷӣ аз деҳаи Дасторкозӣ нопадид шуд. 3-4 нафар зиндагии хуб доштанд, онҳо ба дод омада аз деҳа аз дасти ӯ кӯч бастанд, гарчанде ватани бобоён буд. Дуздии чорвои калону майда сар шуд.

Мо каллаю почаҳои гов ҷамъ карда мегурондем. Моли майдаро умуман намеёфтем. Подабонҳо корро бас карда мерафтанд.

Кори Бобоқулов Гулмурод дуздию гӯштфурӯшӣ буд. Мо ба куҷое, ки муроҷиат мекардем, бенатиҷа анҷом меёфт.

Аммо хушбахтона полковник Ҳалимов Бобоҷон омада, қилро аз мӯй ҷудо намуда, маҳорати баланди касбӣ нишон дод. Аз ҷониби мақомоти ҳифзи ҳуқуқ Бобоқулов Гулмуродро ҷазои сазовор доданд. Сиёҳие, ки дар деҳаи мо буд, ба сафедӣ табдил ёфта, ба дили мардум умеду орзуҳои нав бахшид.

Сад раҳмати худованд ба Шумо ва ба чунин кормандони Шумо.

Чӣ хеле, ки мӯҳтарам Президенти Ҷумҳурии Тоҷикистон Эмомалӣ Раҳмон таъкид мекунанд, ки ҷинояткор бояд ҷазояшро гираду милиса пушту паноҳи халқ бошад, Шумо дар ҳақиқат пушту паноҳи халқед.

Бо эҳтиром,

Абдуллоев Асадулло,

Каримов Қурбоналӣ,

Одинаев Боҳтурхон,

Мирзоев Аҳад,

Абдуллоев Қурбоналӣ,

Исмонов Холаҳмад.


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика