Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Нишонаи эҳтироми мардум – гузоштани лавҳаи ёдгории корманди милитсия

1165

Бахшида ба «Рӯзи кормандони милитсия» бо мақсади гиромидошти хотираи неки собиқ корманди мақомоти корҳои дохилӣ сержанти калони милитсия Амонов Маҳмадамон Комилович дар назди муассисаи таълимии миёнаи умумии №10, ҷамоати деҳоти Гулхонаи ноҳияи Ҷ.Расулов, ки номбурда таҳсилдидаи ҳамин дабистон аст, лавҳаи хотиравӣ гузошта шуд. Дар чорабинӣ, ки баҳри арҷгузорӣ ба хизматҳои Маҳмадамон Амонов доир гардид, намояндагони Мақомоти иҷроияи ҳокимияти давлатии ноҳия, кормандони мақомоти корҳои дохилӣ, омӯзгорону хонандагон ва аҳли пайвандони марҳум ширкат варзиданд.
Гузоштани лавҳаи ёдгорӣ бо ташаббуси созмони ҷамъиятии «Сипарони Ваҳдат» анҷом дода шуд. Созмони ҷамъиятии мазкур дар сафи худ иштирокчиён ва барқарорсозандагони сохти қонститутсиониро ҷамъ намуда, аз рӯи принсипҳои ватандӯстию инсондӯстӣ фаъолияташ ба роҳ монда шудааст.
Дар рафти чорабинӣ таъкид карда шуд, ки Маҳмадамон Амонов 7-уми октябри соли 1966 дар деҳаи Тоҷикободи ноҳияи Ҷ.Расулов дар оилаи деҳқон таваллуд шудааст. Баъд аз хатми муассисаи таҳсилоти миёнаи умумии №10 ба сафи Қувваҳои мусаллаҳ дохил шуда хизмати ҳарбиро сарбаландона адо намудааст. Номбурда фаъолияти кории худро аз соли 1984 дар сафи мақомоти корҳои дохилӣ оғоз ва дар самтҳои гуногуни ин мақомот то соли 1998, яъне то дами марг кор кардааст. Номбурда соли 1998 зимни иҷрои вазифаҳои хизматӣ, дар Раёсати ВКД дар вилояти Суғд ҷасорат нишон дода ба муқобили гурӯҳи мусаллаҳонаи Маҳмуд Худойбердиев мубориза мебарад ва дар ин набард қаҳрамонона ҳалок мегардад. Хизматҳои ӯ бо медалу Ифтихорномаҳои зиёд қадрдонӣ карда шудаанд.
Дар идомаи чорабинӣ баромадкунандагон аз хислатҳои нек ва хизматҳои арзандаи ӯ ёдовари намуда, таъкид карданд, ки диловарию ҷоннисории чунин ҷавонон барои наслҳои оянда намунаи ибрат аст.
Айни замон писари Маҳмадамон Амонов, Комил Амонов дар пайравӣ ба касби падар дар сафи МКД кору фаъолият дорад. Ва идомадиҳандаи касби падар будан барои ӯ мояи ифтихор аст. Мавсуф соли 2014 бо дастгирии Вазири корҳои дохилӣ генерал-полковники милитсия Раҳимзода Рамазон Ҳамро ба факултети №4 Академияи ВКД дохил шуда, соли 2019 баъди хатми муассисаи олии таълимӣ дар вазифаи ваколатдори оперативии гурӯҳи мубориза зидди гардиши ғайриқонунии маводи мухаддири ШВКД дар ноҳияи Зафаробод кору фаъолият дорад. Дорандаи рутбаи лейтенанти калони милитсия мебошад.

116611671168

Ҷоиз ба таъкид аст, ки ба хотири гиромидошти заҳмати диловарона ва ҷоннисории Маҳмадамон Амонов ба нафъи Ватан ва зиндаву ҷовид мондани номи ин абармард дар деҳаи Тоҷикободи ҷамоати деҳоти Гулхонаи ноҳияи Ҷ.Расулов кӯчае ба номи ӯ гузошта шудааст. Ҳамчунин дар мактаби таҳсилоти миёнаи умумии №10-и ноҳия ҷиҳати тарбияи ватандӯстии хонандагон Гӯшаи ахтарони ба номи Маҳмадамон Амонов фаъолият мебарад. Ҳама ин қадршиносиҳо нишонаи эҳтироми мардум ба фарзанди диловари Ватан аст. Маҳмадамон Амонов тавонистааст бо амалу рафтораш дар дили аҳли пайвандон, ёру дӯстон ва ҳамкоронаш ошён гузорад.
Акбар Шарифӣ, майори милитсия




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

qonun5

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика