Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Муайян гардидани ғолибони мусобиқаи гӯштини Самбо

531

Дар мусобиқаи шахсӣ-даставии Вазорати корҳои дохилӣ оид ба гӯштини Самбо байни кормандони Дастгоҳи марказии Вазорат, РВКД дар шаҳри Душанбе ва ШВКД дар шаҳру ноҳияҳои тобеи ҷумҳурӣ, ки рӯзи 15-уми ноябри соли равон, дар толори Маҷмааи варзишии Шӯрои ҷумҳуриявии «Динамо» доир гардид, гӯшингирони дастаи Раёсати қӯшунҳои дохилӣ мақоми аввалро ишғол намуда, соҳиби Ҷом ва дипломи мусобиқа гардиданд. Ҷойҳои дуюму сеюмро дастаҳои Академияи Вазорати корҳои дохилӣ ва Хадамоти давлатии «Муҳофиза» ба даст оварданд.
Мусобиқаи мазкур бахшида ба таҷлили иди касбии «Рӯзи милитсияи Тоҷикистон» таҳти шиори «Варзиш – дӯстию рафоқат!» баргузор гашта, дар он беш аз 70 нафар варзишгарони гӯштингир дар ҳайати 10 даста, дар 8 дараҷаи вазн қувваю маҳорати худро дар назди тамошобинону ҳаводорони бешумори ин намуди варзиш нишон доданд.
Дар маросими кушодашавии мусобиқаи мазкур кормандони масъули Дастгоҳи марказии Вазорати корҳои дохилӣ, варзишгарон, устодону собиқадорони ин соҳаи варзиш иштирок доштанд.

532533534535

Муовини Раиси Шӯрои ҷумҳуриявии «Динамо»-и Вазорати корҳои дохилӣ полковники хизмати дохилӣ Хайрулло Назриев чорабиниро оғоз бахшида, зимни баромади хеш, аз номи худ ва роҳбарияти Вазорат тамоми кормандони милитсияро бо иди касбиашон табрик гуфта, пас аз таманниёти нек, аз пешрафту дастовардҳо дар самти варзиши ҷумҳурӣ ва мақомоти корҳои дохилӣ ёдовар шуд. Қайд карда шуд, ки варзиш, аз ҷумла гӯштини Самбо дар фаъолияти ҳаррӯзаи кормандони мақомоти корҳои дохилӣ аҳамияти муҳим дошта, дар мубориза бо ҷинояткорӣ ва пешгирии он мусоидат менамояд. Ҳамзамон, дарёфти чеҳраҳои нав миёни кормандони ҷавон, такмили маҳорати касбию варзишии онҳо, таҳкими дӯстию муттаҳидӣ, саҳм гузоштан дар рушди варзиш ва тарғиби ҳаёти солим аз ҳадафҳои дигари мусобиқаи мазкур дониста шуд.
Пас аз маросими кушодашавӣ, мусобиқа оғоз ёфта, гӯштингирон тавонистанд дар назди тамошобинон гӯштини ҷолибу диданӣ намоиш диҳанд. Барои баҳогузории мусобиқа доварони ботаҷрибаи сатҳи ҷумҳуриявӣ ва байналмилалӣ даъват шуда буданд.
Ҳамин тариқ, аз натиҷаи қувваозмоиҳо мақомҳои аввали мусобиқаро дар вазни мутлақ, яъне беш аз 100 кило Абубакр Раҳмонов намояндаи Раёсати қӯшунҳои дохилӣ, дар вазни 100 кило Алидод Рауфзода – варзишгари Хадамоти давлатии «Муҳофиза», дар вазни 90 кило гӯштингири номвар Ҷамшед Қурбонов (Раёсати қӯшунҳои дохилӣ), дар вазни 82 кило Муҳаммад Мирзоев (Раёсати қӯшунҳои дохилӣ), дар вазни 74 кило Ҷаҳонгир Авазов (Академия), дар вазни 68 кило Баҳриддин Хуҷаназаров (Раёсати қӯшунҳои дохилӣ), дар вазни 62 кило гӯштингири номвари дигар Акмалиддин Каримов (Раёсати қӯшунҳои дохилӣ) ва дар вазни 57 кило Бадриддин Муминов (Раёсати қӯшунҳои дохилӣ) ишғол намуданд.

536537

Мусобиқа дар сатҳи баланд доир гардида, дар фарҷом, ба ғолибони даставӣ ва инфиродӣ дар маросими тантанавӣ аз номи роҳбарияти Вазорати корҳои дохилӣ Ҷому диплом, медалу Ифтихорномаҳо ва тӯҳфаҳои арзишнок тақдим карда шуданд.
Х. Солиҳов, подполковники милитсия




Рӯйдодҳо

  • Сӯхтор дар Беморхонаи клиникии шаҳри Кӯлоб

    Дар натиҷаи вайрон намудани қоидаҳои бехатарӣ аз сӯхтор ҳангоми васлу ....

    04.07.2020 12:41
  • Сӯхтор дар анбори нигоҳдории масолеҳи сохтмонӣ

    Санаи 4-уми июли соли 2020 соати 07:45 дақиқа дар анбори ....

    04.07.2020 12:36
  • Ошкор шудани дуздии ҷавоҳиротҳои гуногуни тиллои

    Ба ШВКД дар шаҳри Ваҳдат бо ариза марди 39-солаи сокини ....

    04.07.2020 10:03
  • Рух додани садамаи нақлиётии марговар дар ноҳияи Дарвоз

    Рӯзи 2-юми июли соли 2020, тахминан соати 22:00 ронандаи автомашинаи ....

    04.07.2020 10:01
  • Сӯхтор дар манзили истиқоматӣ

    Шаби 2-юми июли соли 2020 соати 23:18 дақиқа дар манзили ....

    03.07.2020 10:38
  • Хатлон: Чорабиниҳои оиди пешгирии паҳншавии бемории коронавирус COYID -19 идома ....

    Бо мақсади пешгирии паҳншавии каронавирус COYID -19 ва эмин нигоҳ ....

    03.07.2020 10:35
  • Ошкор шудани дуздӣ дар ноҳияи Н. Хусрав

    Нафароне, ки даст ба ҷиноят мезананд, на танҳо обрӯю эътибори ....

    03.07.2020 10:28
  • Мусодираи 14 бех растании бангдона

    Ҳарчанд кишту нигоҳубини зироатҳои дорои моддаҳои нашъадор амали ғайриқонунӣ аст, ....

    03.07.2020 10:25
  • Боздошти нашъаҷалобон

    Аз ҷониби Ҳукумати Ҷумҳурии Тоҷикистон як қатор санадҳои қонунгузорӣ тасдиқ ....

    03.07.2020 10:22
  • Рух додани садамаи нақлиётии марговар дар ноҳияи Фирдавсӣ

    Рӯзи 1-уми июли соли 2020, тахминан соати 22:00 ронандаи автомашинаи ....

    03.07.2020 09:03
  • 

    Гӯшаи эълон ва озмунҳо

  • Э Ъ Л О Н !

    Бо мақсади қабули амрномаҳои қабулнамудаи Маркази автоматикунонии идораи нақлиёт ва ....

    04.07.2020 12:24
  • ТАВАҶҶУҲ!!!

    Ба ҳамаи кормандони мақомоти корҳои дохилӣ расонида мешавад, ки ҳангоми ....

    02.05.2020 17:50
  • Эълон!

    Шуъбаи махсуси карантинии милитсияи Вазорати корҳои дохилии Ҷумҳурии Тоҷикистон омодааст, ....

    20.04.2020 11:13
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика