Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мусобиқаи ҷумҳуриявии шиноварӣ ба муносибати «Рӯзи Президенти Ҷумҳурии Тоҷикистон»

522

Бо ташаббуси Федератсияи миллии шиноварии Тоҷикистон ва дастгирии Мақомоти иҷроияи Ҳокимияти давлатии вилояти Суғд бахшида ба «Рӯзи Президенти Ҷумҳурии Тоҷикистон» дар шаҳри Хуҷанд санаи 15-уми ноябр мусобиқаи ҷумҳуриявии шиноварӣ оғоз ёфт. Дар ин чорабинии варзишӣ, ки таи ду рӯз идома меёбад 80 нафар шиноварон аз қаламрави ҷумҳурӣ, варзишгарон аз шаҳри Душанбе ва вилоятҳои Суғду Хатлон иштироку маҳоратсанҷӣ мекунанд.

523

Дар маросими кушодашавии мусобиқа Раиси вилояти Суғд Раҷаббой Аҳмадзода ва намояндагони Федератсияи миллии шиноварии Тоҷикистон иштироку суханронӣ карданд. Маърузачиён аз таваҷҷуҳи Ҳукумати Ҷумҳурии Тоҷикистон нисбати рушди варзиш ёдовар ва иброз намуданд, ки бо ташаббуси Федератсияи миллии шиноварии мамлакат варзиши шиноварӣ рӯз ба рӯз рушд меёбад. Баҳри пешрафти шиноварӣ шароитҳои созгор, аз ҷумла ҳавзҳои шиноварӣ сохта ба истифода дода шуда варзишгарони шиновар тарбия ва ба камол мерасанд. Умед аст дар ояндаи наздик шиноварони тоҷик дар мусобиқаҳои бонуфузи ҷаҳонӣ парчами кишварамонро боло мебардоранд.

524525526527528529530

Дар рӯзи аввали мусобиқа варзишгарон дар намудҳои тарзи озод, шинокунии пуштнокӣ, брасс ва баттерфляй дар масофаҳои 50, 100 ва 200 метр маҳорати худро нишон доданд. Дар намудҳои зикршуда Темур Каримов, Анастасия Тюрина, Умед Исломзода, Нурангез Нурматова, Рамзиёр Хоркашов, Заррина Набиева ва Фахриддин Махкамов маҳорати хуби шиноварӣ нишон дода сазовори мақомҳои ифтихорӣ шуданд.
Пагоҳ мусобиқа аз рӯи намудҳои тарзи озод, брасс ва эстафета идома ёфта, дастовардҳои шахсӣ ва ҳам ҳайати даставии варзишгарон муайян ва ғолибони мусобиқа бо Ҷом, Медал, Ифтихорнома ва туҳфаҳои хотиравии Федератсияи миллии шиноварии Тоҷикистон ва Мақомоти иҷроияи Ҳокимияти давлатии вилояти Суғд қадрдонӣ мешаванд.
Акбар Шарифӣ


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика