Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мусобиқаи «Футболи хурд» таҳти шиори «Варзиш зидди нашъамандӣ»

Тибқи дастуру супоришҳои роҳбарияти ВКД Ҷумҳурии Тоҷикистон ва нақшаи чорабиниҳои Раёсати ВКД Ҷумҳурии Тоҷикистон дар вилояти Суғд, бахшида ба таҷлили Рӯзи Конститутсияи Ҷумҳурии Тоҷикистон ва Рӯзи милитсияи тоҷик, байни дастаҳои мақомоти корҳои дохилии вилояти Суғд, ҳамчунин тарғибу ташвиқи рушди варзиш ва тарзи ҳаёти солим, аз санаи 1-уми ноябри соли 2019 мусобиқаи варзишӣ дар намуди «Футболи хурд» таҳти шиори «Варзиш зидди нашъамандӣ», ташкил ва гузаронида шуд. 

159

Дар мусобиқаи мазкур зиёда аз 20 дастаҳои футболи шуъбаҳо, ҷузъу том ва сохторҳои Раёсати ВКД Ҷумҳурии Тоҷикистон дар вилояти Суғд, иштирок ва қувваозмоӣ намуданд.
Барои дар сатҳи баланд гузаронидани чорабинии варзишӣ доварони пуртаҷриба низ даъват шуда буданд.
Дар мусобиқаи мазкур дастаи футболбозони факултети №4 Академияи ВКД Ҷумҳурии Тоҷикистон фаъолона иштирок намуданд. Бояд қайд намуд, ки дастаҳо тариқи қуръапартоӣ ба чор гурӯҳ тақсим карда шуда, тибқи ҷадвали баргузорӣ мусобиқаҳо оғоз карда шуданд. Дастаи футболбозони факултети №4 дар зергурӯҳи худ ба чор даста ғолиб гардида, ба бозии финалӣ роҳ ёфтанд.
Санаи 12-уми ноябри соли 2019, қувваозмоиҳои финалии мусобиқаи мазкур дар фазои тантанавӣ ва бо иштироки бевоситаи роҳбарияти РВКД дар вилояти Суғд ва факултети №4 Академияи ВКД Ҷумҳурии Тоҷикистон, ҳайати шахсии Раёсат ва курсантони факултет, гузаронида шуд.
Бояд қайд намуд, ки дар бозии финалӣ ду даста, яъне дастаи факултети №4 Академияи ВКД Ҷумҳурии Тоҷикистон ва дастаи ШВКД Ҷумҳурии Тоҷикистон дар ш.Хуҷанд байни худ қувваозмоӣ намуданд, ки дастаи футболбозони факултети №4 бо ҳисоби 5:3 ғолиб гардида, дар байни дастаҳои Шуъбаҳо ва ҷузъу томҳои РВКД дар вилояти Суғд, чемпиони мутлақ гардиданд.
700

Ба ғолибони мусобиқа дар фазои тантанавӣ аз тарафи муовини сардори Раёсати ВКД дар вилояти Суғд, полковники милитсия Ализода М.А. бо ҷом ва медалу ифтихорномаҳо, қадрдонӣ карда шуданд.
Тавре, ки муовини сардори Раёсати ВКД Ҷумҳурии Тоҷикистон дар вилояти Суғд, полковники милитсия Ализода М.А. дар суханронии хотимавии худ қайд намуд, варзиш ин гарави саломатӣ буда, дар баробари ба инсон нерӯ бахшидан, инчунин заминаи мусоидате барои сарҷамъӣ, дӯстиву рафоқат, муҳайё месозад.
Курсантони факултети № 4 Академияи ВКД Ҷумҳурии Тоҷикистон аз суханҳои муовини сардори Раёсат ва аз натиҷаҳои мусобиқа руҳу илҳоми тоза гирифта бар онанд, ки минбаъд низ дар чунин мусобиқаҳои пурнуфуз иштирок намоянд.
Муҳаммадиев Н.Б., сардори кафедраи омодагии касбӣ ва ҷисмонии факултети №4 Академияи ВКД ҶТ, полковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика