Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ширкати фаъолонаи намояндагони ВКД дар мусобиқаи шоҳмот

456

Моҳи августи соли 2019 марҳилаи дуюми мусобиқаи «шоҳмот» барои дарёфти «Ҷоми Пешвои миллат» дар сатҳи ноҳиявӣ доир гардид, ки намояндагони дастаи Вазорати корҳои дохилӣ дар ноҳияи И.Сомонии пойтахт ва аз дастаи РВКД дар шаҳри Душанбе бошад, дар ноҳияи Шоҳмансур ширкат варзиданд.
Нахуст, рӯзи 28 августи соли 2019 дар Боғи ба номи устод С.Айнӣ мусобиқаи шоҳмот аз ҷониби Ҳукумати ноҳияи И.Сомонӣ ташкил ва гузаронида шуд, ки дар он беш аз 100 нафар кормандони касбу кори гуногун аз кумитаю идораҳои мухталифи дар ҳудуди ноҳия ҷойгирбуда иштирок намуданд. Бояд қайд намуд, ки аз 6 нафар намояндагони дастаи Вазорати корҳои дохилӣ, ки дар мусобиқаи мазкур фаъолона ширкат варзиданд, 3 нафарашон мақомҳои ифтихориро соҳиб гардиданд. Дар байни наврасон аъзоёни дастаи «Динамо» Ҷалолидин Илҳомӣ миёни наврасон, Абророва Сабрина миёни наврасдухтарон ҷойҳои аввал ва дар синну соли аз 30-сола боло миёни бонувон Бухоризода Адолат корманди Сармаркази иттилоотӣ-таҳлилии ВКД мақоми дуюмро ишғол намуданд.
Мусобиқаи ноҳияи Шоҳмансур бошад, рӯзи 31 августи соли ҷорӣ дар толори барҳавои Мактаби таҳсилоти миёни умумии №31 баргузор гардид. Дар мусобиқа дастаи РВКД дар шаҳри Душанбе иштирок намуда, се мақоми аввалро ба даст оварданд. Миёни наврасон Садриддини Х., байни духтарчаҳо Хисравзода Н. ва байни бонувони синну соли аз 30 боло Шамсиддинзода С. ғолиб омаданд. Намояндаи дигари мақомоти корҳои дохилӣ Маҳмудзода Мирзо аз ноҳияи Фирдавсӣ низ ба марҳилаи навбатӣ роҳхат гирифт.
Ҳамин тариқ, ғолибони марҳилаи дуюм ба даври минбаъдаи мусобиқа роҳ ёфта, дар сатҳи шаҳрӣ аз номи ноҳияҳои зикргардида баромад хоҳанд намуд. Санаи 7-уми сентябри соли 2019 аз ҷониби ҳокимияти иҷрояи давлатии ноҳияҳои И.Сомонӣ ва Шоҳмансур ғолибони ин марҳила бо тӯҳфаҳои хотиравӣ қадрдонӣ карда шуданд.
Бешак, шоҳмот дар тамоми ҷаҳон ҳаводорони бешумор дорад. Мардуми синну сол, касбу кор, урфу одат ва фарҳанги гуногун вақти фароғати худро дар гирди тахтаи шоҳмот сарф мекунанд. Бозии шоҳмот ҳамчун бахши муҳими варзиш, дар ҷаҳони мураккабу пурихтилофи мо таҳкимбахши риштаҳои дӯстию рафоқат, пайвандкунандаи халқу миллатҳо мебошад. Шоҳмот қонуну қоидаҳои худро дошта, олами дигари ҷолибу рангинро пеши назари бозингари он меорад. Бозии мазкур ба қавигардии хотираи инсон мусоидат менамояд.
Х. Солиҳов, подполковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика