Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Фестивали шиноварӣ дар шаҳри Душанбе

 

308309

Имрӯз (06.07.с.2019), бахшида ба «Рӯзи байналмилалии намудҳои варзиши обӣ» дар ҳавзи шиноварии ҷумҳуриявии пойтахти кишвар – шаҳри Душанбе аз ҷониби Федератсияи миллии шиноварии Ҷумҳурии Тоҷикистон ва Вазорати корҳои дохилӣ, дар якҷоягӣ бо Кумитаи ҷавонон ва варзиши назди Ҳукумати Ҷумҳурии Тоҷикистон ва Кумитаи миллии олимпии кишвар фестивали варзиши шиноварӣ бо иштироки доираи васеи варзишгарону хоҳишмандон, наврасону кӯдакон ва ҷавонон баргузор карда шуд.
Дар ин чорабинии оммавӣ-варзишӣ, ки ҳадафаш пеш аз ҳама тарғибу ташвиқи намудҳои варзиши шиноварӣ дар ҷомеа, шиносоӣ бо тарзу усул ва нозукиҳои ин намуди варзиш буд, беш аз 150 нафар варзишгарону хоҳишмандон ширкат варзиданд.
Дар маросими кушодашавии чорабинии варзишӣ намояндаи Федератсияи миллии шиноварии кишвар Ориф Ҷӯраев баромад намуда, нахуст ҳамаи иштирокчиёнро аз номи Раиси Федератсияи миллии шиноварии ҷумҳурӣ-Вазири корҳои дохилӣ генерал-полковники милитсия Рамазон Раҳимзода ба муносибати Рӯзи байналмилалии намудҳои варзиши обӣ табрику таҳният гуфта, ба ҳамагон солимию руҳу тан ва дар кору зиндагиашон комёбию муваффақиятҳо таманно намуд. Қайд гардид, ки варзиш, алалхусус шиноварӣ дар ҳаёти инсон муҳим буда, барои таҳкими саломатӣ ва тақвияти нерӯ мусоидат менамояд.

310311312313

Ҳамчунин, намояндаи Кумитаи ҷавонон ва варзиши назди Ҳукумати ҷумҳурӣ Абдулло Маҳмадализода ва котиби Кумитаи миллии олимпӣ Муҳаммадшо Абдуллозода баромад намуда, зикр намуданд, ки иқдоми пешгирифтаи Федератсияи миллии шиноварӣ саривақтӣ буда, чунин чорабиниҳои оммавӣ-варзишӣ бешак наврасону ҷавонони кишварро боз ҳам ҳавасманду ба ин намуди варзиш ҷалб хоҳанд намуд. Шароитҳои мусоиди машғул гардидан ба ин намуди варзиш, ки бо дастгирии Сарвари давлат сол ба сол, боз ҳам беҳтар мегарданд, имконият медиҳанд, ки варзишгарони мо дар ин риштаи варзиш низ саъю кӯшиши бештар намуда, муаррифгар ва парчамбардори Ватани хеш дар арсаи байналмилалӣ гарданд.
Дар идомаи чорабинӣ, аз ҷониби варзишгарони мактабҳои намудҳои варзиши обии ҷумҳурӣ дар назди ҳозирин баромадҳои намоишӣ, бо намудҳои варзиши шиноварӣ, аз қабили тарзи озод, баттерфляй, пуштнокӣ, брасс, кролл, омехта, маҷмӯӣ ва ғайра нишон дода шуда, ҳамчунин байни онҳо мусобиқаҳои варзишӣ ва шиноварии оммавӣ барои варзишгарону хоҳишмандон баргузор карда шуд.
Аз ҷониби мутахассисони соҳа ба тамошобинон тарзу усули наҷотдиҳии шахсони ғарқшуда ҳангоми оббозӣ дар кӯлу обанборҳо, амали дигар иштирокчиён дар вақти содир шудани чунин ҳодисаҳои нохӯш ва пешгирии он намоиш дода шуда, маслиҳату тавсияҳои муфид дода шуданд.
Ҳамсӯҳбатони мо, варзишгари наврас Рустам Зокирови 14-сола аз шаҳри Душанбе иброз дошт, ки тайи ду сол аст, ки таҳти роҳбарии мураббӣ Дилбар Очилова нозукиҳои шиновариро омӯхта, боварӣ дорад, дар оянда, дар мусобиқаҳои сатҳи ҷумҳуриявию байналмилалӣ баромад намуда, мақомҳои ифтихориро ба даст орад. Варзишгари дигар, Саддам Рамзиёрзодаи 16-сола бошад, аллакай чемпиони 7-каратаи ҷумҳурӣ миёни наврасону ҷавонон гардида, барои иштирок ба Чемпионати ҷаҳон оид ба шиноварӣ, ки моҳи августи соли ҷорӣ, дар кишвари Маҷористон доир мегардад, омодагӣ мебинад. Онҳо ҳамсолонашонро барои машғул гардидан ба варзиши шиноварӣ даъват намуданд, то ки аз бартариятҳои он бархӯрдор шаванд. Дар назди мутахассисони соҳа омӯхта, шахс ҳаматарафа обутоб меёбад, ояндаи худро солиму бехатар мегардонад.

314315316317

«Варзиши шиноварӣ барои табобати бемориҳои гуногун, аз қабили дарди сутунмуҳра, нафаскашӣ, майнаи сар, гардиши хун ва ғайра беҳад фоидабахш аст» - зикр намуд, мутахассиси соҳа, мураббӣ аз намуди варзиши шиноварӣ Аҳмадҷон Умаров ва илова дошт, ки «Варзиши шиноварӣ дар кишвар сол то сол аҳамияти зиёдтар пайдо намуда, сафи хоҳишмадон низ меафзояд. Ҳоло мавсими гармӣ буда, оббозиро хурду калон меписанданд ва дар баробари ин, мубрамияти назорати фарзандон низ аз ҷониби волидайн беш аз пеш эҳсос мегардад, ки бояд боэҳтиёт бошем».
Шиноварӣ варзишу ҳам ҳунар аст,
Поксозандаи ҷисму ҳам ҷигар аст.
Фестивали шиноварии имрӯза дар сатҳи баланд доир гардида, дар охир, ба ҳамаи иштирокчиёни чорабинӣ аз ҷониби ташкилкунандагон тӯҳфаҳои хотиравӣ ва ифтихорномаҳо тақдим карда шуданд.
Х. Солиҳов, Р. Илёсов




Рӯйдодҳо

  • Сӯхтор дар манзили истиқоматӣ

    Шаби 2-юми июли соли 2020 соати 23:18 дақиқа дар манзили ....

    03.07.2020 10:38
  • Ошкор шудани дуздӣ дар ноҳияи Н. Хусрав

    Нафароне, ки даст ба ҷиноят мезананд, на танҳо обрӯю эътибори ....

    03.07.2020 10:28
  • Мусодираи 14 бех растании бангдона

    Ҳарчанд кишту нигоҳубини зироатҳои дорои моддаҳои нашъадор амали ғайриқонунӣ аст, ....

    03.07.2020 10:25
  • Боздошти нашъаҷалобон

    Аз ҷониби Ҳукумати Ҷумҳурии Тоҷикистон як қатор санадҳои қонунгузорӣ тасдиқ ....

    03.07.2020 10:22
  • Рух додани садамаи нақлиётии марговар дар ноҳияи Фирдавсӣ

    Рӯзи 1-уми июли соли 2020, тахминан соати 22:00 ронандаи автомашинаи ....

    03.07.2020 09:03
  • Боздошти зани 55-солаи сокини пойтахт бо гумони содир намудани кирдори ....

    Ба ШВКД-1 дар ноҳияи Сино бо ариза зани 34-солаи сокини ....

    02.07.2020 09:16
  • Ошкор шудани кирдори қаллобӣ

    Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди ....

    02.07.2020 09:15
  • Рух додани садамаи нақлиётии марговар дар ноҳияи Ховалинг

    Рӯзи 1-уми июли соли 2020, тахминан соати 16:00, ронандаи автомашинаи ....

    02.07.2020 09:13
  • Сӯхтор дар мағозаи хӯрокворӣ

    Шаби 30-юми июни соли 2020 соати 23:45 дақиқа дар мағозаи ....

    01.07.2020 17:28
  • Боздошти ду нафар барои содир намудани ҷинояти дуздӣ дар ноҳияи ....

    Дар асоси аризаҳои шаҳрвандон ба ШВКД дар ноҳияи Кушониён оиди ....

    01.07.2020 11:47
  • 

    Гӯшаи эълон ва озмунҳо

  • ТАВАҶҶУҲ!!!

    Ба ҳамаи кормандони мақомоти корҳои дохилӣ расонида мешавад, ки ҳангоми ....

    02.05.2020 17:50
  • Эълон!

    Шуъбаи махсуси карантинии милитсияи Вазорати корҳои дохилии Ҷумҳурии Тоҷикистон омодааст, ....

    20.04.2020 11:13
  • Эълон барои қабули мутахассисони соҳавӣ

    Раёсати ташхисӣ (эксперт) - криминалистии Вазорати корҳои дохилии Ҷумҳурии Тоҷикистон ....

    17.04.2020 13:16
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика