Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Музаффарияти дастаи гӯштингирони «Динамо» дар мусобиқаи ҷумҳуриявӣ

199

Дар мусобиқаи сатҳи ҷумҳуриявӣ оид ба самбо байни ҷавонони солҳои таваллуди 1999-2001, ки рӯзҳои 26-27-уми апрели соли 2019 дар шаҳри Кӯлоб, бахшида ба гиромидошти хотираи чемпиони Иттиҳоди Шӯравӣ Авзалшо Олимов доир гардид, гӯштингирони дастаи Шӯрои ҷумҳуриявии «Динамо»-и Вазорати корҳои дохилӣ бо ишғол намудани ҷойҳои бештари ғолибият, миёни дигар дастаҳо пешсафи мусобиқа гардиданд.
Бояд қайд намуд, ки дар ин мусобиқа 8 даста аз минтақаҳои гуногуни ҷумҳурӣ бо теъдоди 105 нафар варзишгар иштирок доштанд.
Дар вазни беш аз 100 кило самбочиён Амирҷони Насим ҷойи аввал ва Давлатҷон Назриев бошад, ҷойи сеюми мусобиқаро ишғол намуданд.
Ҳамзамон, Шарифҷон Назриев дар вазни 100 кило, Фаррух Раҳимзода дар вазни 57 кило ва Аминҷон Холов ҷойҳои аввали мусобиқаро соҳиб гардиданд.
Варзишгарони дигар Фирдавс Эмомалӣ Қурбон дар вазни 52 кило, Раҳматуллоев дар вазни 62 кило, Шоҳрух Комилов дар вазни 68 кило, Забир Ҷумаев дар вазни 82 кило ҷойҳои дуюмро ба даст оварда, Ҷаҳонгир Авазов бошад, дар вазни 68 кило ҷойи сеюмро мушарраф гардид.

200201

Дар Шӯрои ҷумҳуриявии «Динамо» барои машғул гардидан ба намудҳои гуногуни варзиш шароитҳои мусоид муҳайё буда, ҷавонону наврасон махсусан ба риштаҳои гуногуни гӯштин, ба монанди гӯштини миллӣ, тарзи озод, самбо, юнону румӣ ва дзю-до шавқу рағбати зиёд доранд. Барои таълиму тамрини варзишгарон ва омӯзондани нозукиҳои варзиш дар Шӯрои мазкур мураббиёни варзида фаъолият доранд, ки натиҷаи заҳматҳои онҳоро дар дастовардҳои динамочиён мебинем.
Ғолибони мусобиқа дар фазои тантанавӣ бо медалу Ифтихорнома ва тӯҳфаҳои хотиравӣ сарфароз гардонида шуданд.
Х.Солиҳов, подполковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика