Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Тренинги омӯзишӣ барои аъзоёни Шӯрои ҷамъиятӣ оид ба ислоҳоти милитсия дар Ҷумҳурии Тоҷикистон

Дар доираи ислоҳоти милитсия дар як қатор шаҳру вилоятҳои кишвар чорабиниҳои омӯзишӣ барои аъзоёни Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия идома ёфта истодаанд.

Аз ҷумла, имрӯз (16.08.с.2017), дар шаҳри Хоруғи ВМКБ тренинги омӯзишӣ оид ба баланд бардоштани савияи дониши аъзоёни Шӯрои ҷамъиятӣ вобаста ба санадҳои меъёрии ҳуқуқии ислоҳоти милитсия дар Тоҷикистон баргузор гардид.
Дар он Ҳамоҳангсози миллӣ оид ба ислоҳоти милитсияи Вазорати корҳои дохилии Ҷумҳурии Тоҷикистон генерал-майори милитсия Шодмонзода Ф., мушовир оид ба масъалаҳои мубориза бар зидди терроризм ва кор бо мақомотҳои ҳифзи ҳуқуқи Дафтари САҲА дар шаҳри Душанбе ҷаноби Капортсев Д.Г., муовини сардори РВКД дар ВМКБ полковники милитсия Муборакшозода Г., раиси Шӯрои ҷамъиятӣ дар назди РВКД дар ВМКБ Холиқназаров М. ва аъзоёни Шӯрои мазкур ширкат варзиданд.

Дар ҷараёни чорабинӣ Ҳамоҳангсози миллӣ оид ба ислоҳоти милитсияи Вазорати корҳои дохилӣ генерал-майори милитсия Шодмонзода Ф. дар мавзӯи «Тадбирҳои андешидашудаи Вазорати корҳои дохилӣ дар самти ислоҳоти мақомоти корҳои дохилӣ», мушовир оид ба масъалаҳои мубориза бар зидди терроризм ва кор бо мақомотҳои ҳифзи ҳуқуқи Дафтари САҲА дар шаҳри Душанбе Капортсев Д.Г. доир ба «Стратегияи фаъолияти политсияи САҲА», афсар оид ба ислоҳоти милитсияи Тоҷикистон дар Дафтари САҲА Муҳаммадиев Ҳ. вобаста ба «Самтҳои асосии ислоҳоти милитсияи Тоҷикистон» ва дигарон баромад намуданд.
Дар тренинги мазкур омӯзиши таҷрибаи ҷаҳонӣ дар самти ҳамкории милитсия бо ҷомеа мавриди омӯзиш ва баррасӣ қарор дода шуд.

Чорабинии мазкур дар доираи барномаи ислоҳоти милитсия
бо дастгирии молиявии дафтари барномавии САҲА дар Тоҷикистон амалӣ карда мешавад.
Мавриди қайд аст, ки чунин тренингҳои омӯзишӣ дар шаҳрҳои Қӯрғонтеппа, Кӯлоб, Хуҷанд, минтақа ва ноҳияи Рашт ва Душанбе доир карда шуданд.
Гул Маҳбуба, Рухшона Шукурова. 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика