Рух додани ду садамаи нақлиётии марговар дар як рӯз

27-уми январи соли 2023, тахминан соатҳои 07:30-дақиқа, ронандаи автомашинаи тамғаи «Мерседес-Бенс», таҳти идораи ронанда, Бояков Шаҳриёр Мустафоевич, соли таваллудаш 1995, сокини шаҳри Кулоб, ҳангоми ҳаракат аз самти терминали мусофиркашонии шаҳри Кулоб ба маҳаллаи Чармгарони поён, бинобар сабаби яхпӯш будани сатҳи роҳи автомобилгард аз уҳдаи рондани воситаи нақлиёт набаромада, пиёдагард Давлатов Мизробхон Анварович, соли таваллудаш 1971, сокини шаҳри мазкурро пахш намудааст.
Дар натиҷа, Давлатов М.А. ҷароҳатҳои вазнини ҷисмонӣ бардошта, ҳангоми ба беморхона бурдан дар роҳ ба ҳалокат расидааст.
27-уми январи соли 2023, тахминан соатҳои 16:40-дақиқа, дар роҳи мошингарди ноҳияи Варзоб, дар ҳудуди ҷамоати деҳоти Зиддеҳ, ронандаи автомашинаи тамғаи «Опел-Астра», Бобоев Хонагирин Толибҷонович, соли таваллудаш 2004, сокини шаҳри Истаравшан, ҳангоми ҳаракат аз самти вилояти Суғд ба самти шаҳри Душанбе ва расидан дар дохили нақби “Истиқлол” аз уҳдаи идораи воситаи нақлиёт набаромада, ба самти муқобили ҳаракати роҳ баромада, ба автомашинаи тамғаи «Шакман», таҳти идораи ронанда, Файзуллоев Ҳамдам Абдухолиқович, соли таваллудаш 1998, сокини шаҳри Душанбе, бархӯрдааст.
Дар натиҷа, мусофири дохили автомашинаи “Опел-Астра”, Бобоев Хондамир, соли таваллудаш 2008, сокини шаҳри Истаравшан, ҷароҳатҳои гуногуни ҷисмонӣ бардошта дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.