Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳуқуқвайронкунии ноболиғон ошкор шуд

1318

Ҷиҳати пешгирӣ аз кирдорҳои зидиҳуқуқӣ дар байни наврасон кормандони шуъбачаи огоҳонӣ ва пешгирии ҳуқуқвайронкунӣ байни ноболиғон ва ҷавонони Шуъбаи ВКД-и ноҳияи Б.Ғафуров дар ҳудуди шаҳраки Ғафуров ва маҳаллаи Сталинскийи ноҳия чорабинии мақсадноки пешгирикунанда гузарониданд. Шабгардӣ ва қарор доштани ноболиғон дар нуқтаҳои бозиҳои саргармкунанда мавриди корбарии милитсия қарор гирифт.
Натиҷаи рейд нишон дод, ки меъёру талаботҳои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд»-ро на ҳама волидон риоя мекунанд. Дар вақту соати маҳдудгардида ноболиғонро дар нуқтаҳои саққобозӣ ва марказҳои бозии компютерии ҳудуди шаҳраки Ғафуров ва маҳаллаи Сталинскийи ноҳия милитсия берун овард. Соҳибкорон дидаву дониста иҷозат додаанд, ки ноболиғон ба бозиҳои компютерии хусусияти зӯроваридошта ё саққобозӣ машғул шаванд.
Новобаста аз он ки чунин санҷишҳо мунтазам гузаронида мешаванд боз бемасъулиятии 14 нафар волидайни дар тарбияи фарзанд бепарво ошкор гардид. 14 нафар ноболиғи дар бевақтии шаб аз назорати падару модар дур монда, 5 нафарашон ҷойе таҳсил намекунанд, ду нафарӣ хонандагони МТМУ №36, мактаби хонандагони болаёқат ва Коллеҷи техникии ҷамоати деҳоти Хистеварз ва се нафари дигар муҳассилини мактабҳои №№18, 83 ва Гимназияи ноҳияи Б.Ғафуров буданд. Бар замми ин зимни санҷиш аз як нафар ноболиғи дар маркази бозиҳои компютерии ҳудуди маҳаллаи Сталинский қарор дошта силоҳи ба таври косибӣ сохташудаи ҷароҳатрасонанда ба истилоҳ «Кастет» дарёфт гардид.
Вобаста ба далелҳои ошкоргардида масъулини кор бо ноболиғони мақомоти милитсияи ноҳияи Б.Ғафуров бо ҳуқуқвайронкунандагон суҳбатҳои фаҳмондадиҳӣ гузаронида, ҳамчунин маводи маъмурӣ тартиб доданд.
Пушида нест, ки аз назорати волидайн дур мондани фарзандон омили воқеӣ ба амалҳои ношоиста даст задан ва майл ба каҷрафторӣ аз ҷониби онҳост.

Акбар Шарифӣ, майори милитсия




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

2309

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика