Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Тақвияти чорабиниҳои зиддисӯхторӣ дар давраи сармо

1176

Бо мақсади таъмин ва риояи талаботи қоидаҳои бехатарӣ аз сӯхтор дар фасли сармо кормандони Сарраёсати хадамоти давлатии оташнишонии ВКД ва ҷузъу томҳои он дар ҳамкорӣ бо масъулини ҷамоатҳои деҳот ва раисони шӯрои маҳаллаҳо дар манзилҳои зисти шаҳрвандону маҳаллаҳои аҳолинишин ва дигар муассисаву иншоот корҳои профилактикӣ-фаҳмондадиҳиро пурзур намуда, оид ба истифодаи оқилонаю сарфакоронаи нерӯи барқ, муносибати боэҳтиётона намудан бо асбобу таҷҳизотҳои маишии барқию газӣ, печҳои аловӣ ва дигар манбаҳои оташ корҳои дастурдиҳӣ ва суҳбатҳои хоса ташкил ва баргузор намуда истодаанд.
Бояд қайд кард, ки тибқи таҳлилҳои оморӣ шумораи бештари ҳодисаҳои сӯхтори манзилҳои истиқоматӣ, бар асари риоя накардани оддитарин меъёру талаботи қоидаҳои бехатарӣ аз сӯхтор аз тарафи шаҳрвандон дар ҷойҳои хӯрокпазӣ, анҷомхонаю оғилхонаҳо ва ҷойҳои захираи хӯроки дурушти чорвою нигоҳдории ҳезуму ангиштсанг ба вуқӯъ меоянд. Бинобар ин, дар вақти гузаронидани чорабиниҳои зиддисӯхторӣ дар манзилҳои зисти шаҳрвандону маҳаллаҳои аҳолинишин кормандони Хадамоти давлатии оташнишонӣ диққати шаҳрвандонро ба ин камбудиҳо бештар ҷалб намуда, баҳри илоҷи ҳама гуна воқеаҳои нохушро пеш аз вуқӯъ дидан, ҷиҳати дар ҷояш бартараф намудани омилу сабабҳои хавфи сӯхтордошта, ба онҳо дастурҳои дахлдор додаву кӯмаки амалӣ расониданд.
Мавриди зикр аст, ки чунин чорабиниҳои пешгирикунандаи зиддисӯхторӣ аз тарафи кормандони Сарраёсати хадамоти давлатии оташнишонии ВКД ва ҷузъу томҳои он дар ҳамкорӣ бо масъулини ҷамоатҳои деҳот ва раисони шӯрои маҳаллаҳо дар ҷамоати деҳоти Регари шаҳри Турсунзода, ки 11 деҳаву 22 ҳазор аҳолӣ дорад ва дар ҷамоати деҳоти Чорбоғи ноҳияи Варзоб низ, ки 17 деҳаву зиёда аз 35 ҳазор аҳолӣ дорад дар сатҳи баланд ташкил ва гузаронида шуданд.
Ҳамчунин кормандони Хадамоти давлатии оташнишонии ноҳияи Варзоб дар Муассисаи давлатии «Маркази миллии тавонбахшии кӯдакони маъюб «Чорбоғ» дар ноҳияи Варзоб», ки дар он 260 нафар бошандагон ва 230 нафар кормандон мебошанд, бо роҳбарияту шахсони масъул дар мавзӯи чи гуна амал намудан дар мавриди сӯхтор корҳои профилактикӣ-омӯзишӣ ва дастуру суҳбатҳо гузаронида, ба саволҳои онҳо посухҳои мушаххас доданд.

1177

Кор дар ин самт аз тарафи кормандони Сарраёсати хадамоти давлатии оташнишонии ВКД ва ҷузъу томҳои он дар дигар шаҳру ноҳияҳои ҷумҳурӣ низ дар сатҳи баланд ба роҳ монда шудааст.
Кароматулло Абдуллоев, корманди СХДО ВКД ҶТ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика