Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Садамаҳои нақлиётии марговар дар манотиқи гуногуни кишвар

Рӯзи 22-юми августи соли 2020, тахминан соатҳои 06:50-дақиқа, ронандаи автомашинаи тамғаи «Газел», ноболиғ Мудинов Мирзомуддин Азизуллоевич, соли таваллудаш 2003, сокини шаҳри Душанбе, бе ҳуҷҷати ронандагӣ воситаи нақлиётро идора намудааст, ки ба падараш Муддинов Азизулло Назриевич, соли таваллудаш 1971 тааллуқ дорад.
Номбурда ҳангоми ҳаракат дар кӯчаи Н.Қаробоеви пойтахт пиёдагарди ноболиғ Хоҷаева Гулноза Мирзошарифовна, соли таваллудаш 2004, сокини ноҳияи Муминободро, ки дар дасташ хурдсол Шералиев Сунатулло Беҳрузович, соли таваллудаш 2019 буд, зер кардааст.
Мутаассифона, хурдсол ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Санаи 22-юми августи соли 2020, тахминан соатҳои 10:30- дақиқа, ронандаи автомашинаи тамғаи “Шакман”, Ниёзов Қосимҷон Искандарович, соли таваллудаш 1982, сокини ҷамоати деҳоти Чоргултеппаи ноҳияи Рӯдакӣ ҳангоми ҳаракат дар роҳи автомобилгарди Ховалинг-Балҷувон дар ҷамоати деҳоти Тоҷикистони ноҳияи Балҷувон аз уҳдаи идораи воситаи нақлиёт набаромада, автомашинаро ба ҷарии канори рости роҳ чаппа мекунад.
Дар натиҷа, мусофири дохили автомашинаи мазкур Мақсудов Алишер Искандарович, соли таваллудаш 1992, сокини ҷамоати деҳоти Зиракии шаҳри Кӯлоб, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат мерасад ва ронанда Ниёзов Қ.И. ҷароҳатҳои вазнини ҷисмонӣ бардошта, дар беморхона бистарӣ гардидааст.
Инчунин, рӯзи 23-юми августи соли 2020, тахминан соати 11:00, ронандаи автомашинаи тамғаи «Опел-Астра», Тоҷиев Азизбек Ихтиёрович, соли таваллудаш 1994, сокини ҷамоати деҳоти Яхтани ноҳияи Деваштич, ҳангоми ҳаракат аз самти ноҳияи Деваштич ба самти шаҳри Истаравшан, воқеъ дар ҷамоати деҳоти Зарҳалол аз уҳдаи идора намудани воситаи нақлиёт набаромада, ба автомашинаи тамғаи «Опел-Астра», таҳти идораи ронанда, Ботуров Ҷаҳонбек Хоҷаназарович, соли таваллудаш 1983, сокини ҷамоати деҳоти Нофароҷ бархӯрдааст.
Дар натиҷа, мусофирони автомашинаи «Опел-Астра», Мирғиёсева Шоира Худойбердиевна, соли таваллудаш 1975, Абдуллоева Тутиниссо, соли таваллудаш 1941 ва Холиқбердиева Мавлуда, соли таваллудаш 1987, сокинони ҷамоати деҳоти Яхтани ноҳияи Деваштич, ҷароҳатҳои гуногуни ҷисмонӣ бардошта, ҳангоми ба беморхона дастрас намудан, дар роҳ ба ҳалокат мерасанд.
Аз рӯи ин ҳодисаҳо таҳқиқот идома дорад.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonuno

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика