Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Авбошӣ кирдори нанговар

Авбошӣ аз рӯи омори содиршавии ҷиноятҳо яке аз кирдорҳои зуд-зуд содиршаванда ба ҳисоб рафта қонунгузории ҷиноятии Ҷумҳурии Тоҷикистон ба чунин шахсони гунаҳкор ҷазо пешбинӣ намудааст.

Новобаста аз он, ки имрӯзҳо қариб ҳамаи кишварҳои олам, аз ҷумла Ҷумҳурии Тоҷикистон бо бемории ҳамагири COVID-19 рӯ ба рӯ шуда, оқибатҳои онро дар соҳаҳои мухталифи хоҷагии халқ эҳсос менамояд, мутаасифона омори содиршавии ҷинояти авбошӣ ҳамоно дар сатҳи баланд боқӣ мемонад.
Танҳо 11 майи соли ҷорӣ дар миқёси шаҳри Душанбе 8 ҳолати авбошӣ ба қайд гирифта шудааст.
Аз ҷумла, санаи 11 майи соли 2020 шаҳрванд Ғурбатов Авазмат Умаралиевич, 01.08. 1996 соли таваллуд муваққатан истиқоматкунандаи маҳаллаи Корвони ҷамоати Чимтеппаи ноҳияи Рӯдакӣ, ба мақомоти корҳои дохилӣ муроҷиат намуд, ки соатҳои тахминан 21.30 дар наздикии бозори “Корвон”-и шаҳри Душанбе 2 нафар шахсони ба ӯ ношинос, ки дар рӯй ниқоби тиббӣ доштанд ба ӯ ҳамла намуда, лату кӯб намуда, аз ҷойи ҳодиса ғайб заданд.
Тибқи санади тадқиқотии тиббии-судии Муассисаи давлатии Маркази ҷумҳуриявии экспертизаи тибию судии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон таҳти № 346 аз 12.05.2020 сол, ҷароҳати Ғурбатов А.У. зарари сабуки ҷисмонии ба саломатӣ ҳамбастагӣ надошта, хулосабандӣ шудааст.
Вобаста ба ҳолати мазкур аз ҷониби Раёсати тафтишотии Вазорати корҳои дохилӣ бо моддаи 237 қисми 2 банди “б”КҶ Ҷумҳурии Тоҷикистон парвандаи ҷиноятӣ таҳти № 38596 аз 14.05.2020 сол оғоз карда шуда, тафтишоти пешакӣ идома дорад.
Рафти тафтишоти пешакӣ таҳти назорати доимии роҳбарияти Вазорати корҳои дохилӣ қарор дорад.




Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>

Qonun1

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика