Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ бо сокинони ноҳияи Қубодиён

601

602Рӯзи 2-юми декбри соли 2019 вохӯрии сардори РВКД дар вилояти Хатлон генерал-лейтенанти милитсия Искандар Солеҳзода бо кормандони мақомоти ҳифзи ҳуқуқ, раисони маҳаллаҳо, имомхатибон, омӯзгорон ва ҷавонони фаъоли ноҳияи Қубодиён баргузор гардид.
Дар вохӯрии мазкур Раиси ноҳияи Қубодиён Файзуллозода Зафар Хайрулло низ ширкат варзида, иброз дошт, ки вазъи имрӯзаи ҷаҳон ҳар яки моро водор месозад, ки баҳри амнияту пойдории сулҳу субот, пешгирӣ аз ҳодисаҳои ҷиноӣ, бахусус шомилшавии ҷавонон ба ҳизбу ҳаракатҳои ифротгаро тадбирҳои мушаххас андешем.
Сардори РВКД дар вилояти Хатлон генерал-лейтенанти милитсия Искандар Солеҳзода ба сухан баромада, хатарнокии терроризму экстремизм, мазмуну муҳтавои Қонунҳои Ҷумҳурии Тоҷикистон «Дар бораи мубориза бар зидди экстремизм (ифротгароӣ)», «Дар бораи озодии виҷдон ва иттиҳодияҳои динӣ», «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд»-ро ба иштирокдорон маънидод намуд.
Қайд карда шуд, ки ҳар нафаре, ки аз оромиву сарсабзии ин сарзамин, амнияту сулҳ, ваҳдату ягонагӣ ношукрӣ дорад, инсони комил буда наметавонад. Донистани фарҳанг ва арзишҳои миллӣ, ҳифзу гиромӣ доштани онҳо, муттаҳид будан, шукргузорӣ кардан аз миллату давлати обод, рисолати ҳар як фарди солимфикри ҷомеа мебошад. Ва мардуми шарифи Тоҷикистон, алалхусус ҷавонон бояд фирефтаи дасисаҳои ҳар гуна гурӯҳҳои ифротгаро нашаванд ва дар фазои сулҳу субот зиндагиву фаъолият кунанд.

603

Дар рафти ҷамъомад раисони ҷамоатҳо, имомхатибон, омӯзгорон суханронӣ намуда, иброз доштанд, ки ҳамкории аҳли ҷомеа бо кормандони мақомоти ҳифзи ҳуқуқ дар пешгирии ҷинояткорӣ барои оромиву осоиштагӣ ва рушди босуботи кишвар барои ҳар як фарди ватандӯст қарз ва зарур аст.
Вохӯрии мазкур бо мақсади рафъи омилҳои номатлуб дар ҷомеа, баланд бардоштани ҳуввияти миллӣ ва хештаншиносӣ, ташкил намудани корҳои фаҳмондадиҳӣ дар байни аҳолӣ, баҳри пешгирии зуҳуротҳои номатлуб мусоидаткунанда мебошад.
Чорабинӣ дар фазои озоду самимӣ баргузор гардида, иштирокдорон аз рафти баргузории он қаноатманд гардиданд.
Офоқ Қодириён.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика