Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ташкил ва нигоҳдории қиморхона ҷиноят аст!

605Ашхоси мардумфиреб барои расидан ба мақсадҳои нопок, бо ташкил ё нигоҳдории қиморхонаҳо бо роҳу усулҳои ҷинояткоронаи худ, аз иродаи сусти шаҳрвандон истифода намуда, ба боварии онҳо медароянд ва ба хотири ба даст овардани даромади муфт то ҳадде мардумро фиреб медиҳанд, ки ин нафарони гумроҳ охирин пули дар ҷайбашон бударо ба коми ин қаллобон ҳаво медиҳанд. 

Ба хотири ҷилавгирӣ аз чунин аъмоли номатлуб дар доираи чорабиниҳои оперативӣ, кормандони Шуъбаи мубориза зидди гардиши ғайриқонунии маводи мухаддири Қисми минтақии РВКД дар вилояти Хатлон оид ба гуруҳи ноҳияҳои Кӯлоб, дар ҳудуди деҳаи Кадучии ҷамоати деҳоти Вайсови ноҳияи Восеъ, шаҳрванд Табаров Раҷабалӣ, соли таваллудаш 1951, истиқоматкунандаи деҳаи мазкурро, ки муддати як моҳ манзили истиқоматиашро ба қиморхона табдил додааст, дастгир намуданд.
Бехабар аз он ки ҳеҷ ҷинояте бе ҷазо намемонаду ин ашхос умри тӯлонии худро пушти панҷараҳои зиндон сипарӣ хоҳанд кард, Табаров Раҷабалӣ чанд нафар аз сокинони деҳаи мазкурро низ ба бозии қимор ҷалб намудааст, ки ин нафарон Табаров Ҷовидон, соли таваллудаш 1997, Муродов Сайҷалол, соли таваллудаш 1991, Кароматуллои Неъматулло, соли таваллудаш 1994, Давлатов Рустам, соли таваллудаш 1989, мебошанд.
Ҳангоми дастгир гардидан аз шахсони дар боло номбаркардашуда як адад купюраи 100-сомона, шаш адад купюраи 20-сомона, 13-адад купюраи 10-сомона, як адад купюраи 5-сомона, як адад купюраи 3-сомона, картаҳои қиморбозӣ ва 2-адад чоркунҷаҳои ишоратӣ (зарик) ҳамчун далели шайъӣ гирифта шуданд.
Оид ба ҳолати мазкур нисбати Табаров Раҷабалӣ бо моддаи 240 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад ва нисбати дигар иштирокдорон протоколҳои маъмурӣ тартиб дода шудааст.
Офоқ Қодириён




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun1

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика