Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таҷлили Рӯзи милитсия дар вилояти Хатлон

533

Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон изҳор доштанд, ки «Кормандони мақомоти корҳои дохилӣ аз уҳдаи вазифаҳои дар пешистода сарбаландона баромада, вазъи муътадили сиёсию ҷамъиятӣ ва оромиву осудагии шаҳрвандонро дар кишварамон таъмин менамоянд».
Ҳамасола 10-уми ноябр дар Тоҷикистон «Рӯзи милитсияи тоҷик» таҷлил карда мешавад.
Бахшида ба ин рӯзи пуршараф санаи 7-уми ноябри соли 2019 дар толори театри мусиқӣ-мазҳакавии ба номи Ато Муҳаммадҷонови шаҳри Бохтар бо иштироки муовини Раиси вилояти Хатлон Раҷабалӣ Раҷабов, сардори Раёсати Вазорати корҳои дохилӣ дар вилояти Хатлон генерал-лейтенанти милитсия Искандар Солеҳзода, собиқадорон, кормандони мақомоти милитсия чорабинии бошукӯҳу хотирмон доир шуд.
Дар оғози чорабинӣ муовини раиси вилояти Хатлон Раҷабалӣ Раҷабов ба сухан баромада ҳамагонро ба Рӯзи милитсияи тоҷик табрику таҳният гуфта, аз таърихи ин мақомот дар даврони соҳибистиқлолии кишвар ва роҳҳои тайнамудаи он баромад кард.

534535

Сипас, сардори Раёсати Вазорати корҳои дохилӣ дар вилояти Хатлон генерал-лейтенанти милитсия Искандар Солеҳзода дар назди ҳозирин баромад намуда, изҳор дошт, ки замони соҳибистиқлолии Ҷумҳурии Тоҷикистон имкон фароҳам овард, ки кори кормандони мақомоти милитсияи тоҷик ба тадриҷ рушду нумӯъ ёфта, ба дастовардҳои баланд сарфароз гарданд.
Зимни чорабинӣ таъкид гардид, ки нақши ин нерӯи тавонои мамлакат дар нигоҳ доштани тартиботи ҷамъиятӣ, таҳкими қонуният, муҳофизати ҳуқуқу манфиатҳои шаҳрвандон, пешгирӣ ва кушодани ҳама гуна ҷинояткориҳо арзанда ҳисобида мешавад.
Ҳамин тавр, дар рафти чорабинӣ барои меҳнати софдилона ва пуршараф дар таъмини тартиботи ҷамъиятӣ мубориза бар зидди ҷинояткорӣ ва ба муносибати Рӯзи милитсия як қатор кормадони Раёсати Вазорати корҳои дохилӣ дар вилояти Хатлон ва шаҳру ноҳияҳои он, бо Ифтихорномаи мақомоти иҷроияи ҳокимияти давлатии вилояти Хатлон сарфароз гардонида шуданд.
Ҳамчунин як қатор кормандон аз ҷониби Вазорати корҳои дохилии Ҷумхурии Тоҷикистон ва Раёсати Вазорати корҳои дохилӣ дар вилояти Хатлон барои хизмати содиқона ва софдилона, зоҳир намудани малакаи баланди касбӣ дар таъмини тартиботи ҷамъиятӣ ва волоияти қонун, пешгирӣ ва ошкор намудани ҷиноят, ҳифзи манфиатҳои шаҳрвандон ва интизоми навмунавӣ бо Ифтихорнома ва Сипосномаҳо қадрдонӣ гардиданд.

537538539540

Дар ин рӯз аз ҷониби мақомоти иҷроияи ҳокимияти давлатии вилояти ва Раёсати вазорати корҳои дохилӣ Хатлон ба 140 нафар оилаҳои кормандони дар рафти иҷрои вазифаҳои хизматӣ фавтида, собиқадорон, дружиначиён, ҷавонони гӯруҳи «Авангард», кормандоне, ки ҳангоми хизмат маъюб гардиданд ва дигар кормандони Раёсати Вазорати корҳои дохилии Ҷумҳурии Тоҷикистон дар вилояти Хатлон, маблағҳои пулию молӣ расонида шуд. Дар охир барномаи консертӣ бо суруду таронаҳои ҳунармандони вилоят ва ҷумҳурӣ дар васфи тинҷиву осудагии кишвар, хизматҳои фарзандони барӯманди миллат, мақомоти милитсияи тоҷик ва Тоҷикистони азиз пешниҳоди иштирокдорон карда шуд.
Мо посдори номи нек, пояндадори кишварем,
Бо нангу ору бо шараф, бо ҳастиву пайванди худ.
Дар хизмати халқу Ватан истода бо ҷону дилем,
Содиқ бар савганди худ, содиқ бар савганди худ.
Офоқ Қодириён




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика