Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мизи мудаввар оид ба пешгирии зӯроварӣ дар оила

511

Рӯзи 16-уми октябри соли 2019 дар толори маҷлисгохи Раёсати Вазорати корҳои дохилӣ дар вилояти Суғд дар ҳамкорӣ бо Мақомоти иҷроияи ҳокимияти давлатии вилоят Мизи мудаввар ва шиносоӣ бо фаъолияти утоқи пешгирии зӯроварии хонаводагӣ бо иштироки сардори Раёсати мазкур генерал-майори милитсия Назарзода Қудратулло Бобо ҷиҳати иҷрои Қонуни Ҷумҳурии Тоҷикистон «Дар бораи пешгирии зӯровари дар оила», Барномаи давлатӣ оид ба пешгирии зуроварӣ дар оила дар Ҷумҳурии Тоҷикистон барои солҳои 2014-2023 ва Барномаи миёнамӯҳлати рушди Ҷумҳурии Тоҷикистон барои солҳои 2016-2020, бо намояндагони сохторҳои давлатӣ баргузор гардид. 

Дар кори он сардори Раёсати кор бо занон ва оилаи мақомоти иҷроияи ҳокимияти давлатии вилояти Суғд Хоҷазода Хуршедахон, масъулини ҳифзи тартиботи ҷамъиятии Раёсати ВҚД Ҷумҳурии Тоҷиқистон дар вилояти Суғд иштирок намуданд.
Семинарро сардори Раёсати кор бо занон ва оилаи мақомоти иҷроияи ҳокимияти давлатии вилояти Суғд ифтитоҳ намуда, оид ба сабаб ва пешгирии ҷиноятҳои дар заминаи муноқишаҳои оилавӣ содиршаванда дар миқёси вилоят ҳарф зад.

513

Сипас, сардори Раёсати ВКД дар вилояти Суғд генерал-майори милитсия Назарзода Қудратулло Бобо оиди содиршавии ҷиноятҳои вазнин дар заминаи муноқишаву ҷанҷолҳои оилавӣ, даст ба ҷиноят задани занон, ҳурмату эҳтироми аъзоёни оила, тарбияи дурусти ҷавонону ноболиғон ва ҳамзамон масъулияти падару модар дар таълиму тарбияи фарзандон таҳлил ва суханронӣ намуд.

513

Бахши дигари семинар – машварат ба муҳокимаронӣ оид ба масъалаҳои пешгирии ҷиноятҳои дар заминаи ҷанҷолҳои оилавӣ содиршаванда, назорати оилаҳои носолим ва оилаҳое, ки ба синни никоҳӣ норасида хонадор мешаванд, пешгирӣ ва манъи хушунату зуроварӣ дар оила, масъулияти волидон дар тарбияи фарзанд бахшида шуд.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика