Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳалокати пиёдагардони ноболиғ дар садамаҳои нохуши нақлиётӣ

Рӯзи 8-уми сентябри соли 2019, тахминан соати 20:50-дақиқа, ронандаи автомашинаи тамғаи «Хундай-Старекс» Эмомов Ҷ.Р., ҳангоми ҳаракат бо кӯчаи И.Сомонии пойтахт аз тарафи кӯчаи Сино ба самти кӯчаи Н.Ганҷавӣ, дар сероҳаи кӯчаи И.Сомонӣ-Варзишгарон ба автомашинаи тамғаи «Мерседес-Бенс», ки таҳти идораи ронанда, Авлоқулов Ф.Ш., соли таваллудаш 1990, қарор дошт, бархӯрдааст. 

Дар натиҷа, автомашинаи тамғаи «Мерседес-Бенс» самти ҳаракаташро тағйир надода, пиёдагардони ноболиғ: Сиёвуши Зафар, соли таваллудаш 2004, хонандаи синфи 9-уми МТМУ №25 ва Муҳиддинзода Аюб, соли таваллудаш 2001, хонандаи синфи 11-уми МТМУ №25, сокинони кӯчаи Варзишгаронро пахш намудааст.
Мутаассифона, дар натиҷаи рух додани чунин ҳодисаи нохуш пиёдагардони ноболиғ ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидаанд.
Ронандаи автомашинаи тамғаи «Мерседес-Бенс» Авлоқулов Ф.Ш. ҷароҳати вазнини ҷисмонӣ бардошта, дар беморхона бистарӣ гардидааст.
Аз рӯи ин ҳодиса таҳқиқ идома дорад.
Рӯзи 7-уми сентябри соли 2019, тахминан соатҳои 17:55-дақиқа, ронандаи автомашинаи тамғаи «Опел-Астра», Маллаев Одилҷон Толибович, соли таваллудаш 1995, сокини деҳаи Бофандаи ноҳияи Кӯшониён, ҳангоми ҳаракат дар ҳудуди деҳаи Свердлови ҳамин ноҳия аз уҳдаи идораи воситаи нақлиёт набаромада, хурдсол Мирзоев Фирӯзшо Фаррухович, соли таваллудаш 2016, сокини деҳаи мазкурро пахш намудааст.
Дар натиҷа, хурдсол Мирзоев Ф.Ф. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Аз рӯи ин ҳодиса таҳқиқ идома дорад.
Рӯзи 8-уми сентябри соли 2019, тахминан соатҳои 16:00, ронандаи трактори тамғаи “Т-28х4” бо ядакаш, Гурезов Раҷабалӣ Назришоевич, соли таваллудаш 2000, сокини ноҳияи Панҷ, бе ҳуҷҷати ронандагӣ, ҳангоми ҳаракат аз самти заминҳои хоҷагии деҳқонии Селгаи ноҳияи мазкур аз уҳдаи идораи трактор набаромада, дучархарони ноболиғ Раҷабов Иброҳим Ибодуллоевич, соли таваллудаш 2010, хонандаи синфи 3-юми МТМУ, сокини деҳаи Селгаро бо ядаки трактор пахш намудааст.
Дар натиҷа, ноболиғ Раҷабов И.И. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Аз рӯи ин ҳодиса таҳқиқ идома дорад.
Рӯзи 9-уми сентябри соли 2019, тахминан соати 06:20-дақиқа, ронандаи автомашинаи тамғаи «Опел-Астра», Саидов Муҳиддинҷон Тӯхтабоевич, соли таваллудаш 1977, сокини шаҳри Хуҷанд, ҳангоми ҳаракат дар роҳи нақлиётгарди «Хуҷанд-Сомғор-Ашт», дар ҳудуди ҷамоати деҳоти Д.Холматови ноҳияи Б.Ғафуров аз уҳдаи идораи воситаи нақлиёт набаромада, пиёдагард Абдураҳмонова Шоира Абдувоситовна, соли таваллудаш 1980, сокини шаҳри Бӯстонро пахш намудааст.
Дар натиҷа, пиёдагард Абдураҳмонова Ш.А. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
Аз рӯи ин ҳодиса таҳқиқ идома дорад.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика