Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Бо роҳи тамаъҷӯӣ талаб намудани 3000 сомонӣ

Аз ҷониби кормандони ШВКД дар шаҳри Хуҷанд марди 22-солаи сокини ноҳияи Зафаробод, ки пеш бо моддаи 247 қисми 2 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти тамаъҷӯӣ дастгир карда шуд. 

Номбурда, рӯзи 18-уми июли соли 2019 дар ҳудуди шаҳри Хуҷанд бо марди 27-солаи сокини ҳамин шаҳр шиносоӣ пайдо намуда, санаи 20-уми июли соли равон дар хонаи истиқоматиаш дар маҳаллаи 18-уми шаҳри Хуҷанд бо охирон вохӯрда, бо мақсади ҷамъоварӣ намудани маълумотҳои бадномкунанда, ҳангоми дар ҳолати мастӣ хоб будани ӯ аз фурсати муносиб истифода бурда, либосҳои ӯро кашида, урён намуда, ба телефони мобилиаш сабт намудааст.
Сипас, бо мақсади ба даст овардани даромади муфт бо роҳи тамаъҷӯӣ аз ҷабрдида 3000-сомонӣ талаб намуда, баҳри бовар кунонидани таҳдидҳояш, аксҳои мазкурро дар сомонаи интернетии «Одноклассники» паҳн кардааст.
Нисбати номбурда парвандаи ҷиноятӣ мутобиқи моддаи 250 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика