Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Баррасии вазъи садаманокӣ ва роҳҳои пешгирии қоидавайронкуниҳо

315

Ҳафтаи сипаришуда дар толори РВКД дар вилояти Хатлон ҷаласаи ҷамъбастӣ оид ба натиҷаҳои фаъолияти Шуъбаи Бозрасии давлатии автомобили РВКД дар вилояти Хатлон ва воҳидҳои он дар шаҳру ноҳияҳои вилояти мазкур дар чор моҳи соли 2019 баргузор гардид.

Дар ҷаласа муовини сардори РВКД дар вилояти Хатлон полковники милитсия Вализода Илҳомуддин, сардори ШБДА РВКД дар вилояти Хатлон подполковники милитсия Солеҳзода Файзиддин, кормандони ШБДА ва воҳидҳои он дар шаҳру ноҳияҳо иштирок намуданд.
Сардори ШБДА РВКД дар вилояти Хатлон подполковники милитсия Солеҳзода Ф. оид ба натиҷаҳои фаъолияти Шуъбаи Бозрасии давлатии автомобили РВКД дар вилояти Хатлон ва воҳидҳои он дар шаҳру ноҳияҳои вилоят дар чор моҳи соли 2019 ҳисобот дода, қайд кард, ки ҳангоми назорати ҳамарӯза аз болои ҳаракат дар роҳ аз ҷониби кормандони Шуъбаи БДА ва воҳидҳои он дар шаҳру ноҳияҳо шумораи зиёди қоидавайронкуниҳо ошкор гардида, нисбати қонунвайронкунандагон протоколҳои маъмурӣ тартиб дода шуда, барои чораҷӯӣ ба судҳо ирсол карда шуданд.
Баъд аз ворид гаштани тағйиру иловаҳо ба қонунгузории Ҷумҳурии Тоҷикистон аз тарафи кормандони БДА дар ин давра ҷиҳати пешгирии вайронкуниҳои ҳаракат дар роҳ, аз ҷумла идора намудани воситаи нақлиёт дар ҳолати мастӣ, бе шаҳодатномаи ронандагӣ ва оинаҳои сиёҳкардашуда як қатор чорабиниҳои мақсаднок роҳандозӣ гардид.

316317

Бо мақсади тарғиби Қоидаҳои ҳаракат дар роҳ, пешгирии ҳодисаҳои роҳу нақлиёт бо иштироки кӯдакону наврасон ва баланд бардоштани савияи дониши онҳо дар ин самт дар ҳамаи шаҳру ноҳияҳои вилоят бо иштироки толибилмони мактабҳои таҳсилоти умумӣ барномаҳои телевизионии «Чароғаки роҳнамо» ташкил ва баргузор гардиданд.
Аз ҷониби масъулини ШБДА РВКД дар вилояти Хатлон вазъи садаманокӣ, сабабу шароитҳои содиршавии онҳо мунтазам мавриди таҳлил ва омӯзиш қарор дода шуда, баҳри ба эътидол овардани онҳо чораҳои зарурӣ андешида мешавад.
Дар хотимаи ҷаласа дастуру супоришҳои роҳбарияти Вазорати корҳои дохилӣ ҷиҳати бартараф намудани камбудию норасоиҳои ҷойдошта ба кормандони Шуъбаи Бозрасии давлатии автомобили РВКД дар вилояти Хатлон ва воҳидҳои он дар шаҳру ноҳияҳои вилояти мазкур расонида шуда, қарорҳои дахлдор қабул карда шуд.
Офоқ Қодириён


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика