Дар доираи сафари корӣ намояндагони Департаменти бехатарии шаҳри Нанкини музофоти Тсзян Суи Ҷумҳурии мардумии Чин аз Нерӯгоҳи барқии обии Норак дидан намуда, бо тарзи фаъолият ва истеҳсоли қувваи барқи аз ҷиҳати экологӣ тозаи Ҷумурии Тоҷикистон шиносоӣ пайдо намуданд.
Тавре зимни ин боздид ба меҳмонон иттилоъ дода шуд, Ҷумурии Тоҷикистон аз ҷиҳати имкониятҳои истеҳсоли қувваи барқи обии аз ҷиҳати экологӣ тоза, дар арсаи байналмилалӣ дар ҷои намоён қарор дошта, дар ҳолати истифодаи пурраи чунин имкониятҳо метавонад ба яке аз истеҳсолкунандагони барҷастаи энергияи сабз мубаддал гардад.
Чунончӣ директори Нерӯгоҳи барқии обии «Норак» ба ҳайати меҳмонон иттилоъ дод, сохтмони ин нерӯгоҳ аз соли 1961 оғоз ёфта, соли 1979 ҳамаи 9 агрегат бо иқтидори 3015 МВТ ба истифода дода шудааст. Нерӯгоҳ дар рӯдхонаи Вахш сохта шуда бо баландии 300-метраи платинаи худ дар ҷаҳон яке аз баландтарин ба ҳисоб меравад.
Ҳайати намояндагони Ҷумҳурии мардумии Чин зимни боздид аз ин нерӯгоҳ ҳамзамон аз боду ҳаво ва манзараҳои дилфиреби Тоҷикистон дидан намуда, муҳити экологии Тоҷикистон ба онҳо сахт писанд омада иброз доштанд, ки дар вақти муносиб аз манзараҳои зебои Тоҷикистон дидан хоҳанд намуд.
Сироҷиддин Шукуров, лейтенанти калони милитсия
Ҳамватанони азиз! Муҳтарам аъзои Маҷлиси миллӣ ва вакилони Маҷлиси намояндагон! Паёми Президенти мамлакат ба мақоми олии қонунбарори кишвар дар соли барои мардуми шарифи Тоҷикистон воқеан таърихӣ – сиюмин солгарди истиқлолу озодии Ватани азизамон пешниҳод мегардад. Тавре ки кулли ҳамватанони азизи мо, инчунин, ҳар яки шумо – вакилони муҳтарам ва ҳозирини гиромӣ медонед, соли 2020 барои сокинони сайёра, аз ҷумла Тоҷикистони мо яке аз солҳои аз ҳар лиҳоз вазнин буд. Дар натиҷаи паҳн шудани бемории сироятии коронавирус ва вобаста ба он, босуръат паст рафтани фаъолнокии иқтисодӣ ва афзоиши бесобиқаи бекорӣ вазъияти сайёра боз ҳам печида гардида, ба буҳрони бисёр шадиди иқтисодиву молиявӣ ва иҷтимоӣ рӯ ба рӯ омад. Имрӯз дар дунё амалан давлат ва соҳае нест, ки аз таъсири буҳрон эмин монда бошад. Мувофиқи арзёбии коршиносони байналмилалӣ ....>>>
