Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Беҳудагардии шаб ҷавононро ба ҷиноят бурд

124

Бо гумони он ки шабона содир намудани ҷиноят аз назарҳо ниҳон мемонад, баъзе аз афроди ҷиноятпеша барои амалӣ намудани ҳадафи нопоки худ торикии шабро интихоб карда, ба дуздиву роҳзанӣ машғул мешаванд. Аммо бо фаъолияти шабонарӯзии кормандони милитсия, кирдори ҷиноятӣ дер ва ё зуд ошкор ва нафарони ҷинояткор дастгир мегарданд.

125

Як гурӯҳи ҷавонон, ки шабона ба роҳзаниву ғоратгарӣ ва дуздии амволи шаҳрвандон машғул буданд, бо гузаронидани чорабиниҳои оперативӣ-ҷустуҷӯӣ, аз ҷониби кормандони ШВКД-1 дар ноҳияи Фирдавсӣ боздошт шуданд.
Инҳо шаҳрвандон Шермуҳаммади Бозор ва Мухторов Исмоил, солҳои таваллудашон 1995, истиқоматкунандагони шаҳри Кӯлоб мебошанд, ки бо ҳаммаслакони худ бо номҳои Баха, Манучеҳр ва Комрон, ки айни замон дар ҷустуҷӯӣ ҷиноятӣ қарор доранд, бо маслиҳати пешакӣ даст ба ҷинояткорӣ задаанд.
Аз ҷумла шаби 31-уми июли соли равон гумонбарон дар маҳаллаи Гипрозем ба шаҳрванд Дамиров Маҳмадзариф дарафтода дар баробари ӯро буғӣ ва зери лату кӯб қарор додан ҳамзамон гумонбаршуда Мухторов Исмоил бо корд ҷабрдидаро захмӣ карда, телефони мобилияшро рабудаанд.
Гумонбарони ин ҷиноят кирдорҳои зиддиҷамъиятии худро идома дода, дар кӯчаи Борбад низ бо таҳдиди зуроварӣ телефони мобилии шаҳрванд Давлатов Абдуғаффор ки 1070 сомонӣ арзиш доштааст, аз они худ кардаанд.

126

Мавриди зикр аст, ки ин гурӯҳи ҷиноятпеша дар содир намудани се лаҳзаи ҷинояти дуздӣ низ гумонбар дониста мешаванд. Онҳо бо роҳи пинҳонӣ аз якчанд автомашинаи боркаш акумулятори онҳоро ба яғмо бурдаанд.
Бори дигар дар кирдори содир намудаи ин ҷавонони кутоҳандеш маълум гардид, ки беҳудагардии шабона ва гумони ба даст овардани маблағи муфт, оқибати хуб надошта баръакс инсонро ба роҳи хато ва ҷиноят тела медиҳад. Акнун онҳоро мебояд барои амалҳои худ дар назди қонун ҷавоб гӯянд.

Шукуров Сироҷиддин




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика