Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Боздид аз фермаи парвариши чорвои хурди шохдор ва корхонаи панир дар ноҳияи Зафаробод

703Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Эмомалӣ Раҳмон нахуст дар деҳоти Равшани ноҳияи Зафоробод бо фаъолияти фермаи иноватситонии парвариши чорвои хурди шохдор-бузҳои зоти аврупои ва корхонаи коркарди ширу истеҳсолӣ панир шинос шуданд.

Ба Сарвари давлат иттилооъ дода шуд, ки фермаи чорвопарварии чорвои хурди шохдор соли 2015 дар ҳудуди иншооти фермаи хусусигардидаи соҳибкори маҳаллӣ Назар Ғоибназаров дар ҳамкорӣ бо шаҳрванди Австралия Ҷеври Диллон таъсис ёфта, дар ибтидо 10 сар бузи ширдеҳ парвариш меёфт.

Президенти Ҷумҳурии Тоҷикистон, Эмомалӣ Раҳмон ин иқдоми соҳибкорону мутахассисонро дар ташкили чунин фермаи иноватсиони барои парвариши бузҳои зоти ширдеҳ муҳим арзёби намуданд. Ин амал саҳмгузори дар иҷрои “Барномаи маҷмӯъавии рушди соҳаи чорводорӣ дар Ҷумҳурии Тоҷикистон барои солҳои 2018-2022” барои афзун намудани саршумору маҳсулнокии чорво, таъмини бозори истеъмолӣ бо ғизои манфиатбахшу фоиданок мебошад.

Дар шаҳру ноҳияҳои вилояти Суғд шахсони алоҳида аз хориҷи кишвар бузҳои зотҳои ширдеҳи аврупоӣ, русӣ ва қамарӣ – покистони ворид намуда, барои эҳтиёҷоти оила ва бозор шири буз истеҳсол менамоянд.

Ташкили фермаи махсуси иноватсионии бузпарварӣ нахустин дар минтақа аст.

Соҳибкорон бо мақсади афзун намудани саршумор, ба шароиту иқлими минтақа мутобиқ намудану ба вуҷуд овардани гурӯҳи бузҳои сермаҳсули самти ширӣ ва ташкил намудани фермаи махсус аз давлатҳои Шветсария ва Франсия нуфтаҳои (тухмии) такаҳои зоти алпинии бузҳои ширдеҳ ворид намудаанд.

Чорабиниҳои афзун намудани бузҳои сершир ва ба вуҷуд овардану такмили рамаи бузҳо дар ду марҳила гузаронида шудааст.

Бо роҳи бордоркунии сунъӣ аввал аз зотҳои аврупоӣ нуфтаҳои таккаҳои ҷойдорӣ истифода гардида, дар марҳилаи дуюм нуфтаҳои аз ҳисоби истифодаи такаҳои зоти алпини ва қисман зоти бузи камарии Покистон ин бузҳои ширдеҳ ба вуҷуд омадаанд.

Ин тадбирҳо дар ҳамкорӣ бо гузаронидани корҳои селексионии олимону мутахаассисони филиали институти чорводории Академияи илмҳои кишоварзии Ҷумҳурии Тоҷикистон дар самти гирифтани наслҳо баланд бардоштани маҳсулнокии шир ва равғаннокии он ба мутобиқ намудани бузҳои зотӣ ширдеҳ ба иқлими ноҳияи Зафаробод натиҷа додаанд.

Дар давоми солҳои 2016-2019 саршумори ҳар сол аз 25 то 40 сар зиёд гардида, ҳоло ба 240 сар расонида шудааст. Аз ин миқдор 100 сар модарбузҳои ширдеҳанд.

Ширҷӯшӣ ба ҳисоби миёна аз ҳар сар дар як шабонарӯз 2,5-3 литрро ташкил медиҳад.

Дар натиҷа дар 1 шабонарӯз 200-220 литр, дар як моҳ 6-6,5 тонна шири буз истеҳсол карда мешавад.

Фермаи махсуси бузпарвари бо таҷҳизоти технологии пешрафтаи иноватсионӣ муҷаҳҳаз гардидааст.

Ин таҷҳизоти технологии обу ғизодиҳӣ, профилактикию тарбияи бадани чорво, таҷҳизоти тозакунии иншоот ва таҷҳизоти ширҷӯши мебошанд, ки истеҳсоли давлатҳои Шветсарияю Германия.

Таввасути хатти технологии обу ғизодиҳии тақсимоти хошоку консентрат ва об ба таври автоматӣ мувофиқи талаботи зооинҷенрӣ сураът мегирад.

Истеҳсоли шири буз ва ҷурғоту маҳсулоти дигар аз шири буз бино ба хулосаҳои илмию тиббӣ ба организми одам манфиатбахшу шифобахшанд.

Сарвари давлат зимни шиносоӣ бо фермаи инноватсионӣ, сӯҳбатҳо бо муассисони ферма ва мутахассисони соҳа таъкид доштанд, ки таъмину дастрасии аҳолӣ ба ғизои хушсифату табии омили асосии солимии ҷомеа мебошад. Ҳамчунин таъкид ёфт, ки ҳарчи бештар ба роҳ мондани коркарди маҳсулоти чорво, хусусан шири чорво ва аз он истеҳсол намудани маҳсулоти ширӣ аз имкониятҳои таъмини аҳолӣ бо маводи ғизоии табиии худӣ мебошад.

Муассисони фермаи иноватсионии бузпарварӣ дар ҳудуди ферма бо таъсиси коргоҳи коркарди шири буз истеҳсоли панирро аз шири буз дар асоси усулу анъанаҳои аврупоӣ ба роҳ мондаанд.

Иқдоми соҳибкорони ватанию хориҷӣ оид ба ташкили фермаи бузҳои зотҳои аврупоию маҳаллии ширдеҳ қобили пайрави ва паҳн кардани ин таҷриба дар дигар минтақаҳои кишвар мебошад.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonun

© 2021 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика