Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таърихи гӯёи офариниши як муҷассама

387

Дар яке аз ҷаласаҳои Сарредаксияи илмии Энсиклопедияи Советии Тоҷик, ки Баҳодур Раҳматов низ иштирок дошт, сармуҳаррири илмии Энсиклопедия Муҳаммад Осимӣ аз таърихи сохтани муҷассамаи Абӯалӣ ибни Сино чунин ёдовар мешавад:
- Ҳамон шабу рӯзҳои омодагӣ ба ҷашни ҳазорсолагии Ибни Сино ҳамроҳи Турсунзода дар Маскав будем. Академик А.М. Прохоров (сармуҳаррири нашри сеюми Сарредаксияи илмии "Большая Советская Энциклопедия") қарори Бюрои Сиёсиро ба мо расонид:
- Мо ба қароре омадем, ки барои гиромидошти хотираи Авитсена дар Душанбе муҷассама гузошта шавад. Барои анҷоми ин кор пайкаратарош Умар Ҳасан уғли Элдаров интихоб шуд.
Рӯзи дигар ҳамроҳи директори Институти шарқшиносии Маскав аллома Бобоҷон Ғафуров ва устод Турсунзода дар меҳмонхонаи "Россия" бо Элдаров вохӯрдем. Элдаров аз мо хоҳиш кард, ки чун Ибни Сино фарзанди бузурги миллати тоҷик аст, шумо як нафарро бо симои тоҷикона ба ман шинос кунед, то чеҳраи Синоро биофарам. Мо байни худ машварат кардем ва шӯхиомез гуфтем, ки ягон нафари мо чеҳраи сирф тоҷикона надорем, ягон нафари дигарро пайдо кардан лозим аст. Ба хотирам расид, ки Муъмин Қаноат дар "Дом литераторов" аст. Муъминшоро пешниҳод кардам, аллома Ғафуров ва устод Турсунзода қабул карданд. Ӯро бо Элдаров шинос намудем. Ҳамин тавр симои Абӯалӣ ибни Сино тавлид шуд ва ин муҷассамаи бошукӯҳ ҳоло зеби Душанбест.
Бознашр аз ҳафтаномаи «Қонун ва ҷомеа» №49(501) аз 06-12-2018




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

Qonuni

© 2020 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика