Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Конференсияи ҷумҳуриявии илмӣ-назариявӣ дар Академияи ВКД

Баррасии ин масъала дар Рӯзи аввали ҳафтаи ҷавонон рамзӣ буда, Президенти кишвар, мӯҳтарам Эмомалӣ Раҳмон 23 апрели соли равон дар Паёми худ ба Маҷлиси Олӣ оид ба таҷлили 20-солагии Конститутсияи Ҷумҳурии Тоҷикистон ёдовар шуда, таъкид намуд, ки Сарқонун - қонуни асосии давлат, унсури марказии низоми ҳуқуқии кишвар, заминаи эҷод ва такмили минбаъдаи қонунгузорӣ, ҳуҷҷати созиши иҷтимоӣ, муайянсозандаи дурнамои пешрафти ҷомеа ва давлат мебошад.

Меҳвари асосии қонуни асосии кишварро ҳуқуқу озодиҳои инсон ва шаҳрванд ташкил дода, дар он аввалин маротиба дар таърихи қонунэҷодкунии давлат ҳуқуқу озодиҳои инсон ҳамчун арзиши олӣ ва заволнопазир эътироф гаштаанд».

Дар идомаи суханрониаш Вазири корҳои дохилӣ чунин қайд кард: «Боиси ифтихор аст, ки дар таърихи Ҷумҳурии Тоҷикистон Конститутсияи (Сарқонуни) Ҷумҳурии Тоҷикистон бо роҳи райъпурсӣ қабул карда шудааст».

Сипас, Сардори Академияи Вазорати корҳои дохилӣ генерал-майори милитсия, доктори илмҳои ҳуқуқшиносӣ, профессор Зоиров Ҷӯрахон Маҷидович баромад намуда, оид ба кафолатҳои риоя ва ҳифзи ҳуқуқу озодиҳои инсон ва шаҳрванд дар Сарқонуни кишвар ибрози андеша намуд.

Мавсуф ҳамзамон қайд кард, ки бо шарофати қабули Конститутсия кашмакашиҳои сиёсию бесарусомониҳо хотима ёфта, ба сулҳу субот ва ваҳдати миллӣ дар мамлакат асоси боэътимод гузошта шуд.

Ин дастовардҳо, бешубҳа, симои Президенти Ҷумҳурии Тоҷикистон мӯҳтарам Эмомалӣ Раҳмонро ҳамчун меъмори ваҳдат, эҷодгари фарҳанги сулҳ дар қарни ҷадид ва раҳнамои таҳаввулоти ҳамгироӣ ва ҳамзистӣ дар асри навин муаррифӣ менамояд.

Курсанти курси якуми Академияи Вазорати корҳои дохилӣ Мирзоматов Фирӯз Хушқадамович дар мавзӯи «Қонун бақои миллат» баромад намуда, оид ба мафҳум, аҳамият ва моҳияти Конститутсия маълумот дод.

Сипас, меҳмони конференсия аз Федератсияи Россия Аврутин Юрий Ефремович – ходими хизматнишондода ва Ҳуқуқшиноси шоистаи Федератсияи Россия, профессор, доктори илмҳои ҳуқуқшиносӣ, дар мавзӯи «Асосҳои конститутсионии ташаккулёбӣ ва вазифаҳои политсияи Федератсияи Россия» муфассал баромад намуда, фикру андешаҳои ҷолиб ҷиҳати истифода бурдани таҷрибаи Федератсияи Россияро дар самти ислоҳоти милитсия пешниҳод намуд.

Мавсуф ҳамчунин аз арзиши олӣ маҳсуб ёфтани ҳуқуқу озодиҳои инсон дар Конститутсияи (Сарқонуни) Ҷумҳурии Тоҷикистон ва пешравию тараққиёт ва сулҳу субот дар Тоҷикистон изҳори хушнудӣ кард.

Аврутин Юрий Ефремович ба Вазири корҳои дохилӣ барои даъват ба Ҷумҳурии Тоҷикистон ва иштирок дар ин чорабиниҳои муҳим изҳори миннатдорӣ намуда, ба ӯ тӯҳфаи хотиравӣ китоби «Тафсир ба Қонунҳои Федералии Россия»-ро тақдим намуд.

Дар идомаи конференсия намояндагони Маркази миллии қонунгузории назди Президенти Ҷумҳурии Тоҷикистон, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, кормандони масъули мақомотҳои ҳифзи ҳуқуқ, прокуратура, суд, намояндагони муассисаҳои таҳсилоти олии кишвар ва олимону мутахассисони варзида дар мавзӯъҳои «Прокурор кафили таъмини меъёрҳои конститутсионӣ», «Нақши Конститутсияи (Сарқонуни) Ҷумҳурии Тоҷикистон дар таҳкими ҳокимияти судӣ», «Конститутсияи Ҷумҳурии Тоҷикистон нахустасоси ташаккули фарҳанги сиёсии ҷавонон», «Конститутсия – қонуни асосии давлат ва ҷомеа» ва ғайра баромад намуда, паҳлӯҳои гуногун ва ҷанбаҳои муҳими Сарқонунро ба ҳозирин фаҳмонида доданд.

Дар хотимаи конференсия байни иштирокчиён муҳокима ва музокираҳо сурат гирифт.

Маҳбуба Гулова, майори милитсия.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика