Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ба имзорасии Ёддошти тафоҳум

332

Бо мақсади тақвият бахшидани ҳамкорӣ дар самти таъмини волоияти қонун, ислоҳоти ҳуқуқӣ, донишу маҳорати касбӣ ва такмили ихтисоси кормандон лоиҳаи «Ёддошти тафоҳум» байни Иттифоқи адвокатҳои Ҷумҳурии Тоҷикистон ва Академияи ВКД Ҷумҳурии Тоҷикистон имрӯз (11.06.2019) ба имзо расид. Иттифоқи адвокатҳои Ҷумҳурии Тоҷикистон ва Академияи Вазорати корҳои дохилии Ҷумҳурии Тоҷикистон, бо мақсади тақвияти ҳамкорӣ, баланд бардоштани донишу малака ва маҳорати касбии кормандон аз рӯйи шартҳое,ки барои ҳар ду тараф манфиатнок мебошанд, ба мувофиқа расиданд. Яъне минбаъд Академияи ВКД Ҷумҳурии Тоҷикистон ва Иттифоқи адвокатҳои Ҷумҳурии Тоҷикистон барои рушди ҳамкориҳои мунтазам дар самти таъмини волоияти қонун, ислоҳоти ҳуқуқӣ ва такмили ихтисоси кормандон шароити мусоид фароҳам оварда, дар ташкил намудан, роҳбарӣ кардан ва гузаронидани чорабиниҳои муштараки илмӣ-амалӣ мусоидат менамоянд.

333

Дар ин маврид зикр намудани мақсадҳои асосии Ёддошти тафоҳум мувофиқи матлаб аст, ки он аз мусоидат дар инкишофи касбии аъзоёни Иттифоқи адвокатҳои Ҷумҳурии Тоҷикистон ва кормандону курсантон ва шунавандагони Академияи Вазорати корҳои дохилии Ҷумҳурии Тоҷикистон тавассути ташкил намудани чорабиниҳои муштарак, семинарҳо, тренингҳо, мизҳои мудаввар ва конференсияҳо иборат аст. Академияи ВКД Ҷумҳурии Тоҷикистон ҳанӯз моҳи апрели соли 2018 конференсияи ҷумҳуриявии илмӣ-амалӣ дар мавзӯи «Тафтишоти пешакӣ ва дурнамои инкишофи он» баргузор намуд, ки дар кори он адвокатҳо бо баромадҳои мушаххас иштирок намуданд, ки ин аз ҳамкориҳои созандаю судманди ин ду ниҳод гувоҳи медиҳад.

334

Мутобиқи Нақша-чорабиниҳои Академияи ВКД 28-уми майи соли 2019 конференсияи ҷумҳуриявии илмию амалӣ дар мавзӯи «Азназаргузаронии ҷои ҳодиса» баргузор гардид, ки дар он адвокатҳо низ иштирокчиёни фаъоли ин чорабинии сатҳи баланд буданд.
Азиза Давлатшоева
полковники милитсия
Гул Маҳбуба
подполковники милитсия

 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика