Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Парчами давлатии Точикистон нишони хиради волои миллат

23-юми ноябри соли 2017, дар Академияи ВКД Ҷумҳурии Тоҷикистон бахшида ба таҷлили Рӯзи Парчами давлатии Ҷумҳурии Тоҷикистон мизи мудаввар дар мавзӯи «Парчам - рамзи муттаҳидсозандаи давлатии Ҷумҳурии Тоҷикистон» баргузор гардид.

Ҷамъомадро бо сухани муқаддимавӣ сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, генерал-майори милитсия Шарифзода Файзалӣ Раҳмоналӣ ифтитоҳ намуда, бо ин иди фархунда ҳозиринро табрик намуд.
Ба мизи мудаввар меҳмонон аз Иттифоқи нависандагони Ҷумҳурии Тоҷикистон даъват шуда буданд. Зимни суханронии худ шоир, сардори шуъбаи Иттифоқи нависандагон Муҳаммадалии Аҷамӣ ва Мирзо Саъдӣ аз бузургдошти ин ҷашн ёдоварӣ намуда, пораҳои шеърӣ дар васфи Ватан ва Парчам қироат намуданд.

Омӯзгорони Академия полковники милитсия Бойзода Ҷамшед - сардори кафедраи фанҳои ҷамъиятӣ, дар мавзӯи «Парчами давлатӣ – рамзи давлату давлатдорӣ», Маҳмадов Саъдӣ–номзади илмҳои сиёсӣ, дотсенти кафедраи фанҳои ҷамъиятӣ, дар мавзӯи «Парчам рамзи озодист», Самиҳов Б.С. – муаллими калони кафедраи фанҳои ҷамъиятии Академияи ВКД, майори милитсия, дар мавзӯи «Парчам омили ташаккулдиҳандаи тафаккури давлатӣ», Ҷалолов С.И.- муаллими кафедраи фанҳои давлатӣ-ҳуқуқӣ, дар мавзӯи «Вазъи ҳуқуқии Парчами давлатии Ҷумҳурии Тоҷикистон» маърӯзаҳо қироат намуданд.
Ҳамзамон, аъзоёни маҳфили илмии курантон: «Дӯстдорони илмҳои ҷомеашиносӣ» дар васфи Парчам бо монтажи адабӣ-таърихӣ баромад намуда, шеърҳо қироат намуданд.
Дар ҷамъомади мазкур намояндагони фаъоли ҷавонони манотиқи гуногуни кишвар низ ҳузур доштанд.
Дар қисмати дуюми ҷамъомад хотири ҳозиринро бо шеъру тарона ҳунармандони маъруфи кишвар Афзолшоҳи Шодӣ, Тобиш Ҳилолӣ ва Зулайхо Маҳмадшоева шод намуданд.

Сардори Академия қисмати хотимавии ҷашнро бо фармудаҳои пурмӯҳтавои Асосгузори сулҳу Ваҳдати миллӣ, Пешвои миллат, муҳтарам Эмомалӣ Раҳмон: - «…итминони комил дорам, ки Парчами давлати соҳибистиқлоли Тоҷикистон ҳамчун таҷассуми умеду ормонҳои мо ҳамеша парафшон хоҳад буд ва зери сояи он мо дар роҳи ободии Ватани азизамон ба дастовардҳои рӯзафзун ноил хоҳем шуд» ҷамъбаст намуда, курсантону шунавандогони Академияро ба хониши хубу аъло даъват намуд. 

Дар интиҳои чорабинӣ ба меҳмонон тӯҳфаҳои хотиравӣ тақдим карда шуд.
Бойзода Ҷамшед, полковники милитсия




Рӯйдодҳо

  • Ҷавонони фаъол қадрдонӣ гардиданд

    Рӯзи 17-уми феврали соли 2020 дар шаҳри Левакант вохӯрии кормандони ....

    17.02.2020 17:03
  • Хуҷа Каримов дастгир гардид

    Шаҳрванд Каримов Худжа Рахимович (Хуҷа-командир) санаи 1-уми октябри соли 1960 ....

    17.02.2020 16:49
  • Иди Артиши миллӣ муборак!

    Ҳукумати Ҷумҳурии Тоҷикистон баҳри мустаҳакам намудани қобилияти мудофиавии кишвар, баланд ....

    17.02.2020 10:41
  • Дуздии маблағ бо роҳи шикастани шишаи тиреза

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия, марди 27-солаи ....

    17.02.2020 10:26
  • Қаллобӣ ба маблағи 25 ҳазор доллари амрикоӣ

    Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия, марди ....

    17.02.2020 10:23
  • Ҳалокати мусофир ва ронанда бар асари чаппа шудани автомашина

    Рӯзи 15-уми феврали соли 2020, тахминан соати 09:30-дақиқа, ронандаи автомашинаи ....

    17.02.2020 10:22
  • Вохӯрӣ бо шарикони иҷтимоӣ дар доираи ислоҳоти милитсия

    Рӯзҳои 13-14-уми феврали соли 2020 бо ташаббуси Вазорати корҳои дохилӣ ....

    15.02.2020 10:58
  • Зебову хуррам гардонидани муҳити зист вазифаи ҳар як шаҳрванд аст!

    Дар партави сиёсати пешгирифтаи Асосгузори сулҳу ваҳдати миллӣ, Пешвои миллат, ....

    15.02.2020 10:33
  • Бо роҳи зӯроварӣ тасарруф намудани телефони мобилӣ

    Ба ШВКД дар ноҳияи Шаҳринав бо ариза зани 25-солаи сокини ....

    15.02.2020 09:26
  • Дуздии маблағ ва молу ашёҳои рӯзгор аз дохили хона

    Ба ШВКД дар шаҳри Кӯлоб бо ариза марди 58-солаи сокини ....

    15.02.2020 09:25
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonun

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика