Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


ВАҲДАТИ МИЛЛӢ – САРЧАШМАИ ЯГОНАГИИ МИЛЛАТ

Бахшида ба 20-солагии Ваҳдати миллӣ конференсияи илмӣ-назариявӣ дар толори маҷлисгоҳи факултети №4-и Академияи ВКД Ҷумҳурии Тоҷикистон, воқеъ дар шаҳри Хуҷанди вилояти Суғд доир гардид. 

Дар ин чорабинӣ муовини сардори Академияи ВКД, ӯ низ сардори факултети №4 номзади илмҳои ҳуқуқшиносӣ, полковники милитсия Саидзода Зикрулло Алӣ, дотсенти кафедраи археология ва этнографияи халқи тоҷики Донишгоҳи давлатии Хуҷанд ба номи академик Бобоҷон Ғафуров Эркаев Сафар, кулли кормандони факултети №4 ва курсантону шунавандагон ширкат варзиданд.
Конференсияро бо сухани ифтитоҳӣ сардори факултети №4, номзади илмҳои ҳуқуқшиносӣ полковники милитсия Саидзода Зикрулло Алӣ кушода, зимнан қайд намуд, ки Ваҳдати миллӣ асоси оромию осудагии мардум дар саросари кишвари маҳбубамон буда, тоҷикистониёнро бо мафкураи ягонагӣ, бародариву баробарӣ сарҷамъ кардааст. Ваҳдати миллӣ омили бузурги Истиқлолияти давлатӣ гардида, баъдан барои рушду нумӯи кишвар дар тамоми соҳаҳо аз ҷумла иҷтимоиёт, иқтисодиёт, фарҳангу таърих заминаи мусоид фароҳам меоварад. Тамоми дастовардҳои имрӯзаи Тоҷикистони соҳибистиқлол маҳз бо шарофати пойдории Ваҳдати миллӣ дар кишвар торафт густариш ёфта истодааст. Дар партави идеяҳои Ваҳдати миллӣ, тоҷикистониён аз худшиносиву худогоҳии хеш бохабар гардида, арзиши Истиқлолияти давлатиро яке аз арзишҳои пурғановат донистаанд.
Маҳз Ваҳдати миллӣ мардуми парокандаи Тоҷикистонро пас аз солҳои мудҳиши ҷанги шаҳрвандӣ ба ҳам овард ва муттаҳид намуд. Ҳар як порчаи Ватан ҳар як хору хаси он баҳри тоҷикистониён муқаддас гардидааст ва имрӯз мардуми сарбаланди тоҷик аз ин арзиши гаронбаҳо бахту саодати хешро чашида истодаанд. Таҳлилҳо нишон медиҳанд, ки тибқи маълумоти СММ Тоҷикистон дар радифи дигар мамлакатҳои пешрафта рушду нумӯъ карда, торафт сатҳи камбизоатӣ паст шуда истодааст ва нишондиҳандаи охирини он дар соли 2015 ҳамагӣ 31%-ро ташкил додааст. Дар баробари ин Ҳукумати Ҷумҳурии Тоҷикистон бо мақсади ташаккули минбаъдаи ҷомеа ба масъалаи ҷавонон таваҷҷуҳи хоса зоҳир карда, барои онҳо тамоми шароитҳои таҳсилро муҳайё намудааст.
Эълон гардидани соли 2017 ҳамчун «Соли ҷавонон», такони ҷиддӣ бахшидан ба НБО Роғун, кушодашавии нақбҳо ва аз бунбасти коммуникатсионӣ баромадани кишвар, таъмини аҳолӣ бо масолеҳи озуқаворӣ ва либоса ва дар радифи он ташаккули истеҳсолоти дохили кишвар, барқарорсозии робитаҳои дипломативу хориҷӣ бо кишварҳои ҷаҳон имконият дода истодааст, ки Тоҷикистон ҳамчун сарзамини биҳиштосо тараққӣ намояд.
Тамоми дастовардҳои имрӯзаи кишвар маҳз бо шарофати қадамҳои устуворонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тамоми ҷодаҳои ҳаёти моддиву маънавии халқ мебошад. Имрӯзҳо мақомоти корҳои дохилӣ дар асоси дастуру супоришоти Вазири корҳои дохилӣ генерал-лейтенанти милитсия Раҳимзода Рамазон Ҳамро баҳри истиқрори арзишҳои Ваҳдати миллӣ, Истиқлолияти давлатӣ ва сулҳу суботи кишвар фаъолият намуда, баҳри пойдорӣ ва оромии ҷомеа кӯшишу ғайрати шабонарӯзӣ карда истодаанд.

Сипас, дотсенти кафедраи археология ва этнографияи халқи тоҷики ДДХ ба номи академик Бобоҷон Ғафуров Эркаев Сафар Абдулхайрович дар мавзӯи «Ваҳдат ормони олии миллат» баромад карда, дар бораи душвориҳои зиндагии мардум дар замони ҷанги шаҳрвандӣ ва қурбониву хисороти моли мардум дар он солҳо маълумот доданд. Аз назари олим хишти Ваҳдати миллӣ дар Иҷлосияи ХVI Шӯрои Олии Ҷумҳурии Тоҷикистон гузошта шуда буд. Доир ба Иҷлосияи ХVI Шӯрои Олии Ҷумҳурии Тоҷикистон баҳогузорӣ намуда, маърӯзачӣ қайд намуд, ки роҳбари навинтихобшуда дар ҳузури намояндагони халқ бо як овози матину боварибахш Савганд ёд карданд ва ваъда дода буданд, ки ба мардум сулҳ меоранд. Сулҳе, ки барои мардум саодату оромиро меовард бидуни мутаҳиддӣ дар асоси Ваҳдати миллӣ номумкин буд. Аз ин рӯ, музокироти тоҷикон ба Ваҳдати миллӣ дар кишвар заминагузорӣ менамуд. Ҳамчунин доир ба нақши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сулҳу субот ва оромиву шукуфоии кишвари маҳбубамон маълумоти хеле муфассал баён карда шуд.
Дар баробари ин муаллимаи кафедраи тайёрии ибтидоӣ ва такмили ихтисос, лейтенанти калони милитсия Баҳодурзода М. дар мавзӯи «Ташаббускори Ваҳдати миллӣ – омили саодати мардум» баромад карда нақши Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар пойдории сулҳи тоҷикон қайд карда, яке аз қаҳрамониҳои бузург дар сулҳу суботи Тоҷикистон донистанд.
Лозим ба ёдоварист, ки дар факултети №4-и Академияи ВКД Ҷумҳурии Тоҷикистон имрӯзҳо кормандони Хадамоти давлатии «Муҳофиза»-и ВКД дар вилояти Суғд аз курси тайёрии ибтидоӣ гузашта истодаанд. Бинобар ин шунавандагон Аскарова Шаҳноза ва Бобоев Маҳмуд дар мавзӯи «Ваҳдати миллӣ – неруи созанда» ва «Ваҳдати миллӣ - сарчашмаи давлатдории навини тоҷикон» маърӯзаҳои пурмуҳтаво карда, зарурати Ваҳдати миллиро дар кишвар яке аз қадамҳои нахустин ва пешқадами Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маънидод карданд.
Дар хотимаи чорабинии мазкур баҳри болидахотирии ҳозирин консерти идона бахшида ба 20-солагии Ваҳдати миллӣ баргузор гардид.
Абдулатифов У.Ҳ., сардори кафедраи тайёрии ибтидоӣ ва такмили ихтисос, номзади илмҳои фалсафа, полковники милитсия. 


You have no rights to post comments



Рӯйдодҳо

  • Баргузории гуштини миллӣ дар Язгулом

    Рӯзи 25-уми марти соли равон, бахшида ба таҷлили «Иди байналмилалии ....

    28.03.2020 10:54
  • Ошкор шудани ҳодисаҳои дуздӣ

    Ба ШВКД дар ноҳияи И.Сомонии шаҳри Душанбе бо ариза зани ....

    28.03.2020 10:48
  • Ҷаласаи коршиносони ВКД давлатҳои аъзои ИДМ

    Рӯзи 26-уми марти соли 2020 дар шаҳри Москва дар доираи ....

    27.03.2020 14:44
  • Бо корд захмӣ намудани падар аз ҷониби писар

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 43-солаи ....

    27.03.2020 09:52
  • Ошкор шудани дуздии ашёҳои гуногун аз дохили корхонаи хиштбарорӣ

    Ба ШВКД дар шаҳри Турсунзода бо ариза марди 32-солаи сокини ....

    27.03.2020 09:51
  • Қаллобӣ бо мақсади ба фурӯш баровардани нуриҳои менералӣ

    Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди ....

    27.03.2020 09:50
  • Ба ҳалокат расонидани ҳамсар дар заминаи муноқишаи оилавӣ

    Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди ....

    26.03.2020 09:44
  • Ошкор шудани ҳолатҳои дуздӣ

    Ба ШВКД дар ноҳияи Данғара бо ариза марди 62-солаи сокини ....

    26.03.2020 09:40
  • Ошкор шудани ҳодисаи дуздӣ

    Ба ШВКД-1 дар ноҳияи Рӯдакӣ бо ариза марди 34-солаи сокини ....

    25.03.2020 08:49
  • Вохӯрии судманд бо сокинони ноҳияи Нуробод

    Рӯзи 19-уми марти соли 2020 вохӯрии сардори РВКД дар минтақа ....

    23.03.2020 10:39
  • 

    Гӯшаи эълон ва озмунҳо

  • Эълон!

    Бонувони азиз! Озмуни «Авто-Бону-2020», ки бояд санаи 7-уми марти соли ....

    05.03.2020 10:05
  • Ҳамкорӣ бо РМЗҶМ ВКД Ҷумҳурии Тоҷикистон

    Раёсати мубориза бар зидди ҷиноятҳои муташаккили ВКД Ҷумҳурии Тоҷикистон ҷиҳати ....

    04.03.2020 15:08
  • Диққат!

    Бо мақсади таъмини бехатарии ҳаракат дар роҳ ва пешгирии садамаҳои ....

    05.02.2020 14:16
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonuni

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика