Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳимоя намудани рисолаи номзадӣ дар мавзӯи “Тафтишоти ҷиноятҳои ошкорнашудаи солҳои пеш”

Омӯзгорони Академияи ВКД Ҷумҳурии Тоҷикистон ибтидо аз соли 2003, барои таҳсил дар Адъюнктураи муассисаҳои олии таълимии ВКД Федератсияи Россия сафарбар мешаванд. Ин иқдоми нек барои минбаъд такмил додани корҳои илмӣ дар Академияи ВКД дастоварди назаррас буда, дар рушду такомули минбаъдаи тайёр намудани кадрҳои илмӣ ва илмӣ-педагогӣ мусоидат мекунад. Ин ташаббуси роҳбарияти Вазорати корҳои дохилӣ ва Академияи ВКД пайваста амалӣ гардида, ҳар сол теъдоди муайяни омӯзгорон барои баланд бардоштани савияи дониш ва дараҷаи илмӣ саъю кӯшиш менамоянд. Кормандони унвони илмидошта обрӯ ва эътибори Академияи ВКД ва дар умум мақомоти корҳои дохилиро чӣ дар миқёси ҷумҳурӣ ва чӣ берун аз он муаррифӣ менамоянд.

Боиси ифтихор аст, ки 6 апрели соли ҷорӣ дар дар Академияи идоракунии ВКД Федератсияи Россия дар шаҳри Москва, аз ҷониби омӯзгори калони кафедраи фаъолияти оперативӣ-ҷустуҷӯии факултети №2-и Академияи Вазорати корҳои дохилӣ подполковники милитсия Самиев Назар Мурадович рисолаи номзадӣ дар мавзӯи “Тафтишоти ҷиноятҳои ошкорнашудаи солҳои пеш” (Расследование нераскрытых преступлений прошлых лет (по материалам Республики Таджикистан и Российской Федерации) барои дарёфти унвони номзади илмҳои ҳуқуқ бо ихтисоси криминалистика, фаъолияти экспертӣ-судӣ ва фаъолияти оперативӣ-ҷустуҷӯӣ бомуваффақият ҳимоя карда шуд.

Аз ин лиҳоз, роҳбарият, ҳайати профессорону омӯзгорон, афсарону курсантон ва шунавандагони Академияи ВКД Ҷумҳурии Тоҷикистон Самиев Назар Мурадовичро самимона табрик гуфта, барои фатҳ намудани қуллаҳои нави илмӣ муваффақиятҳои бепоён таманно менамоянд.
Хабирова Т.А., майори милитсия 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика