Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ислоҳоти милитсия - ҳадафҳои муайянсозандаи рушд

27-уми январи соли равон дар Академияи ВКД конференсияи илмӣ-амалӣ дар мавзӯи «Ислоҳоти милитсияи тоҷик - ҳадафҳои муайянсозандаи рушди мақомоти корҳои дохилӣ» конференсияи илмӣ-амалӣ баргузор гардид.
Нахуст сардори Академияи ВКД, генерал-майори милитсия Шарифзода Файзалӣ Раҳмоналӣ бо шукргузорӣ аз сулҳу субот иброз намуд, ки боиси ифтихору сарфарозист, ки маҳз бо шарофати сиёсати хирадмандона ва оқилонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурӣ ислоҳоти милитсия гузаронида мешавад ва ин раванд баҳри беҳтарнамоии кору фаъолият мусоидат менамояд.


Ҳамоҳангсози миллӣ оид ба ислоҳоти милитсияи ВКД, полковники милитсия Бобоназарзода Алӣ Бобоназар дар мавзӯи «Ҳадаф ва самтҳои асосии ислоҳоти милитсияи Тоҷикистон» маърӯза намуда, мафҳумҳои «милитсия» ва «политсия»-ро шарҳ дода, дар бораи самтҳою мақсадҳои асосии ин раванд ва лоиҳаи Қонун «Дар бораи политсия» ибрози андеша намуд.


Сардори факултети 3-юми Академияи ВКД, полковники милитсия Насуриён Пулод Асадулло зимни ироаи маърӯзаи худ дар мавзӯи «Низоми таълим дар ислоҳоти политсия» изҳор дошт, ки Академияи ВКД ҳамчун даргоҳи ба воя расонидани мутахассисони милитсия баромад намуда, дар пайгирии сиёсати давлат дар самти ислоҳоти рушди милитсия корҳои зиёдеро ба анҷом расонидааст.
Муовини сардори Хадамоти пешгирии ҳуқуқвайронкунӣ дар байни ноболиғон ва ҷавонони ВКД, полковники милитсия Зебунисо Холдорбекова дар мавзӯи «Хусусиятҳои хоси пешгирии ҳуқуқвайронкунӣ дар байни ноболиғон» баромад намуда, қайд кард, ки моро мебояд дар пешгирии кирдорҳои зиддиахлоқиву зиддиҳуқуқӣ дар байни насли ояндасоз чораҳои зарурӣ андешем ва баҳри ташаккули тафаккури созандаи онҳо саҳмгузор бошем.
Сардори кафедраи ҳуқуқи маъмурӣ ва фаъолияти маъмурии факултети 2-юми Академияи ВКД, генерал-майори милитсия Атобек Имомёрбеков дар мавзӯи «Башардӯстии муносибатҳои иҷтимоӣ ҷиҳати пешгирии ҳуқуқвайронкуниву ҷинояткорӣ дар партави ислоҳоти милитсия» суханронӣ намуда, оид ба роҳҳои пешгирии ҷинояткорӣ, бартарафсозии монеаҳо таҳлилҳои мушаххас намуд.
Профессори кафедраи ҳуқуқи ҷиноятии Академияи ВКД, майори милитсия Рифат Юлдошев дар мавзӯи «Ислоҳоти мақомоти корҳои дохилӣ дар заминаи ислоҳи камбудиҳои соҳа» маърӯза намуда, хоҳони беҳтарсозии хизмати кормандони милитсия гардида, мушкилоти ҷойдоштаро дар самти ислоҳоти милитсия мавриди муҳокима қарор дод.
Дар ҷараёни конференсияи илмӣ-амалӣ муҳокима ва суолу ҷавоб сурат гирифт.
Наврӯз ҶОБИРОВ 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика