Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ оид ба оқибатҳои ногувори тундгароӣ ва ифротгароӣ

Дар «Кохи Ватан»-и шаҳри Қурғонтеппа вохӯрии кормандони Раёсати мубориза зидди ҷиноятҳои муташаккили Вазорати корҳои дохилии Ҷумҳурии Тоҷикистон бо омӯзгорон, донишҷӯён, фаъолон ва аҳли ҷамоатчигӣ баргузор гардид.
Сардори Раёсати мазкур полковники милитсия Азизулозода Сафиало Азизуло баромад намуда, қайд кард, ки зуҳуроти номатлуб - терроризм ва экстремизм дар аксар давлатҳо ба монанди Сурия, Ироқ ва Афғонистон доман паҳн карда, дар ин кишварҳо задухӯрдҳо идома доранд. Бадбахтона имрӯз ин гурӯҳҳои ифродгаро ва тундрав тавонистаанд, ки чандин нафаронро фирефтаи сиёсати ғаразнок ва шомили гурӯҳҳои хеш кунанд. Бинобар ин терроризм ва экстремизм яке аз масъалаҳои ҷиддии замони муосир буда, хатари минтақавию байналмилалиро ба бор меорад.

Ҳар як шаҳрванди кишвар дар ҳамкорӣ бо ниҳодҳои давлатӣ бояд дар пешгирии хатару таҳдидҳои замони муосир саҳми худро гузорад. Зеро бо ин зуҳуроти номатлуб танҳо дар якҷоягию ҳамбастагӣ метавон муборизаи беамон бурд, - афзуд дар идомаи суханронӣ Азизулозода С.А.
Дар назди иштирокчиёни вохӯрӣ, инчунин коршиносони масоили динӣ ва мудири шуъбаи дин ва танзиму анъанаҳои мақомоти иҷроияи ҳокимияти давлатии вилояти Хатлон Шарифзода Сафарбек баромад намуда, зикр кард, ки шаҳрвандон бояд бо эҳсоси баланди худшиносиву ватандӯстӣ, ахлоқи ҳамида ва ҳисси миллӣ талаботи волоияти қонунро муқаддас шуморида, дар мубориза бо тундгароӣ ва ифродгароӣ масъул бошанд.
Офоқ Қодириён  


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика