Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Табрикот

575Табрикоти

Вазири корҳои дохилии Ҷумҳурии Тоҷикистон,
генерал-полковники милитсия Раҳимзода Рамазон Ҳамро бахшида ба Иди касбии кормандони милитсия

Муҳтарам афсарону сарбозон
ва собиқадорони мақомоти корҳои дохилӣ!

Маҳз бо дастгириву ғамхории пайвастаи Асосгузори сулҳу ваҳдати миллӣ-Пешвои миллат, Президенти кишвар муҳтарам Эмомалӣ Раҳмон дар ин муддат мақомоти корҳои дохилӣ ба як ниҳоди боэътимод, кафили амнияти дохилии кишвар ва фаъолтарин сохтори қудратии давлат мубаддал гардид.
Ҳар сол дар ин рӯз мо аз таърихи милитсияи Тоҷикистон ёдовар гардида, ранҷу заҳмат ва талошу кӯшишҳои шабонарӯзии кормандони мақомоти корҳои дохилиро дар таъмини ҳифзи тартиботи ҷамъиятӣ, мубориза бо ҷинояткорӣ ва пешгирии амалу кирдорҳои ғайриқонунӣ пеши назар меорем.
Диловарию садоқати кормандони милитсия буд, ки ин ниҳод аз набарду муборизаҳои сангин ва имтиҳони сахти рӯзгор сарбаландона гузашта, масъулияти ба уҳдадошта, яъне барқарории сулҳу субот, осоиштагӣ ва шароиту муҳити орому осударо барои кору зиндагӣ ва корҳои ободонию созандагӣ фароҳам овард.
Бо шарофати Истиқлолияти давлатии Ҷумҳурии Тоҷикистон ва такомули робитаҳои байналмилалӣ соҳаҳои нави ҳамкориҳои Вазорати корҳои дохилӣ бо давлатҳои хориҷаи дуру наздик инкишоф ёфтанд.
Танҳо бо дарки баланди масъулият, эҳсоси садоқат ба Ватану миллат ва эҳтиром ба Сарвари давлат мо метавонем сулҳу субот ва амнияту осоиштагиро, ки асоси зиндагии арзандаю шоиста ва рӯзгори пурсаодати сокинони кишвар ба ҳисоб мераванд, таъмин намоем.
Бо арзи сипос ва эҳтиром Иди касбии кормандони милитсияро ба ҳамаи шумо самимона табрику муборакбод намуда, бароятон саодатмандии комил, умри дарози бобаракат, хушбахтии оилавӣ таманно намуда, дар иҷрои вазифаҳои хизматӣ комёбиҳои нав ба нав орзумандам.

Ид муборак ҳамкасбони азиз!


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика