Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ бо Вазири корҳои дохилии Федератсияи Россия

DSC 5123-800x600

Рӯзи 9-уми октябри соли 2019 дар доираи сафари корӣ вобаста ба Мушовараи муштараки Вазоратҳои корҳои дохилии Тоҷикистону Россия вохӯрии дуҷонибаи Вазири корҳои дохилии Ҷумҳурии Тоҷикистон генерал - полковники милитсия Раҳимзода Рамазон Ҳамро бо Вазири корҳои дохилии Федератсияи Россия генерали политсия Колоколсев Владимир Александрович баргузор гардид.

Дар рафти вохӯрӣ дар қатори масъалаҳои мубориза бар зидди терроризм, экстремизм, муомилоти ғайриқонунии маводи нашъадор, дастгир намудани шахсони дар ҷустуҷӯ қарор дошта, инчунин авфи муҳоҷирони меҳнатии Ҷумҳурии Тоҷикистон, ки дар рӯйхати маҳдудияти воридот ба Федератсияи Россия дохил шудаанд ва масъалаҳои муносибати хуб намудани кормандони политсияи ВКД Федератсияи Россия нисбати муҳоҷирони меҳнатӣ ва тибқи қонун дастгир намудани муҳоҷирон аз тарафи кормандони политсияи Россия баррасӣ гардиданд.
DSC 5158-800x600

Ҳамчунин қайд карда шуд, ки содиршавии ҷиноятҳо дар умум ва махсусан вобаста ба муомилоти ғайриқонунии маводи мухаддир дар ҳудуди Федератсияи Россия аз тарафи шаҳрвандони Тоҷикистон сол аз сол коҳиш ёфтааст.

Дар хотимаи вохӯрӣ Вазири корҳои дохилии Ҷумҳурии Тоҷикистон генерал-полковники милитсия Раҳимзода Р.Ҳ. вобаста ба кӯмакҳои моддӣ, техникии ВКД Россия ба Вазири корҳои дохилии Федератсияи Россия генерали политсия Колоколсев В.А. изҳори миннатдорӣ намуд.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика