Имрӯз (08.09.2019), бахшида ба ҷашни 28-умин солгарди Истиқлолияти давлатии Ҷумҳурии Тоҷикистон тибқи дастуру супоришҳои Вазири корҳои дохилӣ генерал-полковники милитсия Раҳимзода Рамазон Ҳамро ҷиҳати дастрасии кормандони милитсия ба маҳсулоти озуқавории нисбат ба бозор арзон дар таваққуфгоҳи ВКД ярмарка-фурӯши маҳсулоти хоҷагии қишлоқ ва маҳсулоти хӯрокворӣ ташкил карда шуд.
Дар ин ярмарка маҳсулотҳои ниёзи аввал равған, тухм, макарон, навъҳои гуногуни ширинию мевагӣ ва полезию сабзавот аз қабили картошка, сабзӣ, пиёз, карам, қаланфури булғорӣ, помидор, боимҷон, тарбузу харбуза ва дигар маҳсулоти хӯрока ба фурӯш гузошта шуда, бо сифати хуб ва нархи он нисбат ба бозор аз 30 то 50% арзон буд.
Ҳамчунин аз ҷониби хоҷагиҳои ёрирасон каду, карам, ангур ва як қатор маҳсулотҳо ройгон ба мизоҷон дода шуд.
Ташкили чунин ярмаркаҳо дар арафаи ҳама гуна ҷашнҳо дар ВКД ба ҳукми анъана даромадааст.
Ҳакимҷон Назарзода,
Муродалӣ Саидзода
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>
