Имрӯз (06.09.2019), дар Вазорати корҳои дохилӣ вобаста ба ҷашни Истиқлолияти давлатии Ҷумҳурии Тоҷикистон ба муовини командири баталиён оид ба техникаи қисми ҳарбии 3502-и Раёсати қушунҳои дохилии Вазорати корҳои дохилӣ Иброҳимов Фаррух Фурқатович, ки рӯзи 8 августи соли 2019 зимни хомӯш намудани сӯхтор ҳангоми наҷот додани кӯдакон дар кӯчаи Ҳавзи Баланди шаҳри Конибодом қаҳрамонона ҳалок гардид, аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мукофоти давлатӣ медали "Ҷасорат" қадрдонӣ карда шуд.
Тӯҳфаро аз номи Пешвои миллат Котиби Шӯрои амнияти Ҷумҳурии Тоҷикистон Ватанзода Маҳмадалӣ ба падараш супорид.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>
