Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ғолиби озмуни «Авто-Бону-2019» иштирокчӣ аз вилояти Суғд гардид

189

Имрӯз дар автодроми автоматонидашудаи ба номи А.Турсунов, воқеъ дар километри 7-уми кӯчаи С.Айнии пойтахт, бахшида ба ҷашни Наврӯзи байналмилалӣ ва эълон гардидани солҳои 2019-2021 ҳамчун «Солҳои рушди деҳот, сайёҳӣ ва ҳунарҳои мардумӣ» бо ташаббуси ВКД ва Раёсати БДА ВКД озмуни «Авто-Бону-2019» баргузор гардид.

179180181

Чорабиниро сардори Раёсати БДА генерал-майори милитсия Насимзода Акбар Ғиёс оғоз намуда, иброз намуд, ки мавқеи зан-модар дар даврони соҳибистиқлолии кишвар бо дастгирии бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон боз ҳам баланд гардидааст. Дар ин радиф Раёсати БДА ВКД бо иштироки бонувони ронанда тасмим гирифтааст, ки ба ифтихори ҷашни Наврӯзи оламафрӯз ва «Солҳои рушди деҳот, сайёҳӣ ва ҳунарҳои мардумӣ», озмуни навбатии маҳорати касбӣ байни занону духтарони ронанда «Авто - Бону 2019»-ро гузаронад.

Мавсуф дар идомаи суханрониаш иброз намуд, ки гузаронидани чунин озмун пеш аз ҳама бо мақсади баланд бардоштани малакаи касбии занони ронанда, таблиғи қоидаҳои ҳаракат дар роҳ, пешгирии садаманокӣ гузаронида мешавад. Аз таҳлилҳои коршиносони соҳа бар меояд, ки бонувон зимни идора намудани автомобил нисбати мардон бо эҳтиёт буда, ба талаботи қоидаҳои ҳаракат дар роҳ дар ҳама ҳолат риоя менамоянд.

182183184185186

Дар хотимаи суханрониаш генерал-майори милитсия Насимзода А. Ғ., иштирокчиёнро бо фарорасии ҷашни Наврӯзи аҷам муборакбод намуда, барояшон хушбахтӣ, тансиҳатӣ, хонаободию комёбиҳои беназир таманно намуд.
Озмун аз рӯи даврҳои "Ман ва автомобилам", "Донандагони қоидаҳои ҳаракат дар роҳ", " Рондани автомобил дар Автодром», «Шарҳи қисмҳои автомобил» ва «Намоиши ҳунарҳои мардумӣ» гузаронида шуд.
Ҳамин тариқ, озмуни "Авто-Бону 2019" ҷамъбаст ва ғолибону иштирокчиёни фаъоли он муайян гардиданд. Аз натиҷаи иҷрои шартҳои озмун Муътабар Азимова аз вилояти Суғд ҷойи аввалро ишғол намуда, соҳиби мукофоти асосӣ Диплом ва рамзи «Авто-Бону 2019» гардид. Ҷойи дуюм насиби Мавлуда Саидова аз шаҳри Роғун гардида, ҷойи сеюмро иштирокчии фаъоли дигар Мадина Ҳотамова, корманди Сарраёсати хадамоти давлатии оташнишонии ВКД ба даст овард.

187188

Аз рӯи ҷоизаи таваҷҷуҳи тамошобинон ҷоиза ба Зуҳро Холбобоева дода шуд, ки ӯ 45 сол инҷониб миёни мардум ҳамчун ронанда шинохта шудааст.
Дар хотима, ба ғолибон ва ба тамоми иштирокчиёни озмун аз ҷониби роҳбарияти Вазорати корҳои дохилӣ "Ифтихорнома" ва дигар тӯҳфаҳои хотиравӣ супорида шуд.

Тоҷиддин Латипов


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика