Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


РВКД дар ВМКБ: Чорабинӣ ба муносибати таъсисёбии Қувваҳои Мусаллаҳи Ҷумҳурии Тоҷикистон

Ба муносибати 24-умин солгарди таъсисёбии Қувваҳои Мусаллаҳи Ҷумҳурии Тоҷикистон дар толори РВКД дар ВМКБ чорабинии идона баргузор гардид, ки дар он роҳбарият ва ҳайати шахсии Раёсати мазкур, ҷузъу томҳои он, инчунин собиқадорони мақомоти корҳои дохилии вилоят ва толибилмони литсеи Оғохон дар шаҳри Хоруғ иштирок намуданд. 

Бо садо додани Суруди миллии Ҷумҳурии Тоҷикистон чорабинии мазкур оғоз ёфт.
Сардори РВКД дар ВМКБ полковники милитсия Искандарзода Абдулваҳоб Мансур иштирокдорони чорабиниро ба муносибати 24-умин солгарди таъсисёбии Артиши Миллии Ҷумҳурии Тоҷикистон аз самими қалб табрику таҳният намуда, ба ҳар яки онҳо сиҳатмандиву хонаободӣ, рӯзгори нек ва барори кор таманно намуд.
Сардори Раёсат зимни баромад қайд кард, ки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Қувваҳои Мусаллаҳи Ҷумҳурии Тоҷикистонро яке аз рукнҳои воқеан бунёдӣ ва муҳимтарини давлат, сипари боэътимоди Ватанамон арзёбӣ намудаанд. Артиши миллӣ ҳанӯз дар оғози ба Истиқлол расидани кишвари азизамон таъсис гардидааст, ки роҳи хеле мушкилу сангини таърихро тай карда, ҳоло қодир аст амнияти давлату миллат ва ҳифзи марзу буми кишварро пурра таъмин намояд. Имрӯз мардуми шарафманди Тоҷикистон дар симои Артиши Миллӣ ҳомиёни боэътимод ва муҳофизони халқу Ватан, тартибот, қонуният ва дастовардҳои Истиқлолияти худро мебинанд.
Итминони комил аст, ки афсарону сарбозони Қувваҳои Мусаллаҳи Ҷумҳурии Тоҷикистон минбаъд ҳам, баҳри ҳифзи давлати тозаистиқлоли демократӣ-дунявӣ ва ҳуқуқбунёди Тоҷикистон, дониш, малака ва маҳорати касбии худро дареғ надошта, ҷасорату шуҷоат, далериву мардонагӣ нишон дода, фаъолияти фидокоронаву кордонии онҳо, интизоми баланди ҳарбӣ кафолати пешравӣ ва ҳаёти осоиштаи мардуми кишвар мегардад.
Дар идомаи чорабинӣ муовини сардори Раёсати Вазорати корҳои дохилӣ дар ВМКБ полковники милитсия Муборакшозода Ғайратшо, сардори Шуъбаи тибии РВКД дар ВМКБ майори милитсия Нозанин Исмоилзода, нозири калони шуъбаи кадрҳо ва кор бо ҳайати шахсии Раёсат капитани милитсия Гулбегим Маъруфова дар бораи таъсисёбии Артиши миллии Ҷумҳурии Тоҷикистон ва хизмати пуршарафи низомиён баромад намуданд.
Бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон ва зоҳир намудани маҳорату малакаи баланди касбӣ, сари вақт иҷро намудани вазифаҳои хизматӣ як қатор кормандон, сарбозон ва афсарони қисми низомии 3503 Қӯшунҳои дохилии Вазорати корҳои дохилӣ дар ВМКБ, Дастаи таъиноти махсуси милитсия ва ҳайати шахсии РВКД дар ВМКБ бо рутбаҳои навбатӣ, маблағҳои пулӣ, тӯҳфаҳои хотиравӣ, Сипоснома ва Раҳматнома қадрдонӣ карда шуданд.
Толибилмони литсейи Оғохон дар васфи Ватан ва Рӯзи Артиши миллӣ бо лаҳни ширину гуворо шеърҳоро қироат намудаанд.
Собиқадорон чун шахсони ботаҷриба ва кордон ҳамеша баҳри таъмини сулҳу субот бо кормандони милитсия ҳамкорӣ намуда, ба насли ҷавони милитсия ёрии амалии худро ҳанӯз ҳам расонида истодаанд.
Сардори РВКД дар ВМКБ полковники милитсия Искандарзода Абдулваҳоб Мансур ба муносибати 24-умин солгарди Рӯзи Артиши Миллии Ҷумҳурии Тоҷикисон ва иштирок дар чорабинӣ собиқадоронро низ бо маблағи пулӣ ва толибилмонро бо тӯҳфаҳои хотиравӣ қадршиносӣ намуд. Ҳамчунин, ба ин муносибат ба тамоми ҳайати шахсӣ ва меҳмонон дастархони идона ороста шуд.
Чорабинӣ бахшида ба 24-умин солгарди таъсисёбии Қувваҳои Мусаллаҳи Ҷумҳурии Тоҷикистон дар РВКД ВМКБ бо тантана ҷашн гирифта шуда, ба ҳозирин рӯҳу илҳоми тоза эҳдо намуд.
Далер Чоршанбиев, корманди Маркази матбуоти РВКД дар ВМКБ. 


You have no rights to post comments



Рӯйдодҳо

  • Таҷлили бо тантанаи Рӯзи Қувваҳои Мусаллаҳ дар РВКД Суғд

    Субҳи рӯзи 22 феврал ба муносибати 27-умин солгарди таъсиси Қувваҳои ....

    22.02.2020 11:44
  • Вохӯрӣ бо ҷавонони фаъол

    Бо мақсади тарбияи ҷавонон дар рӯҳияи созандагию бунёдкорӣ ва тарғиби ....

    22.02.2020 11:24
  • Дуздии лавозимоти рӯзгор аз дохили гармхона

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 26-солаи ....

    22.02.2020 11:20
  • Ошкор шудани ҷиноятҳои ахлоқӣ

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 45-солаи ....

    22.02.2020 11:19
  • Садамаи нақлиётии марговар дар шоҳроҳи «Душанбе-Хуҷанд-Чанноқ»

    Рӯзи 20-уми феврали соли 2020, тахминан соати 18:30-дақиқа, ронандаи автомашинаи ....

    22.02.2020 11:16
  • Вохӯрӣ дар Донишкадаи иқтисод ва савдои Донишгоҳи давлатии тиҷорати Тоҷикистон

    Рӯзи 21-уми феврали соли 2020 дар маҷлисгоҳи муассисаи давлатии таълимии ....

    21.02.2020 15:56
  • Саҳмгузории кормандони ғайриштатӣ дар пешгирии ҷинояткорӣ

    Ҳамкорӣ бо кормандони ғайриштатии милитсия боиси пешрафти кори мақомоти корҳои ....

    21.02.2020 15:51
  • Ошкор шудани ҷинояти роҳзанӣ

    Санаи 20-уми феврали соли 2020, тахминан соатҳои 01:20-дақиқа, шахси номаълум ....

    21.02.2020 09:30
  • Бо роҳи фиреб ба даст овардани маблағҳои калони пулӣ

    Ба ШВКД-2 дар ноҳияи Сино бо ариза марди 70-солаи сокини ....

    21.02.2020 09:27
  • Шароит фароҳам овардан барои муносибатҳои маҳрамона

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия мардони 20 ....

    21.02.2020 09:26
  • 

    Гӯшаи эълон ва озмунҳо

  • 17.02.2020 12:55
  • Диққат!

    Бо мақсади таъмини бехатарии ҳаракат дар роҳ ва пешгирии садамаҳои ....

    05.02.2020 14:16
  • Эълон! Занону духтарони дӯзанда ба кор ҷалб карда мешаванд!

    Рӯзи 22-юми ноябри соли 2019 бо иштироки Асосгузори сулҳу ваҳдати ....

    28.11.2019 11:53
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonuni

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика