Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Машғулияти хизматӣ дар мавзӯи «Пешгирӣ ва муқовимат ба коррупсия»

Имрӯз (17.02.с.2017), дар толори маҷлисгоҳи Вазорати корҳои дохилӣ бо иштироки ҳайати шахсии раёсат ва шӯъбаҳои Дастгоҳи марказии ВКД, РВКД дар шаҳри Душанбе ва дигар ҷузъу томҳои мақомоти корҳои дохилӣ дарси хизматӣ дар мавзӯи «Пешгирӣ ва муқовимат ба коррупсия» баргузор гардид.
Дар машғулияти хизматӣ намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон: муовини сардори Сарраёсати Агентӣ полковники адлия Сафарзода Қудбиддин Шаҳобуддин ва муовини сардори Раёсати 2-юми Сарраёсати пешгирии коррупсияи Агентӣ полковники адлия Лашкарбекзода Шодибек Лашкарбек иштирок намуданд.


Дарси хизматиро муовини Вазири корҳои дохилӣ генерал-майори милитсия Умарзода Икром Ислом оғоз бахшида, меҳмононро ба ҳайати шахсии мақомоти корҳои дохилӣ муаррифӣ намуд.
Қайд гардид, ки дар Вазорати корҳои дохилӣ, ки ҳамчун субъекти мубориза бо коррупсия баромад мекунад, вобаста ба иҷрои талаботҳои фармони Президенти Ҷумҳурии Тоҷикистон аз 30 августи соли 2013 «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» фармони ВКД Ҷумҳурии Тоҷикистон таҳти №40 аз 25 сентябри соли 2014 «Дар бораи барномаи муқовимат ба коррупсия барои солҳои 2014-2020» ба имзо расонида шудааст, ки мавриди амал қарор дорад.


Муовини сардори Сарраёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон полковники адлия Сафарзода Қудбиддин Шаҳобуддин баромад намуда, зимни суханронии хеш оиди талошу кӯшишҳои Ҳукумати Ҷумҳурии Тоҷикистон, Агентии назорати давлатии молиявӣ ва мубориза бо коррупсия ва дигар мақомоти ҳифзи ҳуқуқ дар самти пешгирӣ ва мубориза бо коррупсия, муқовимати дастаҷамъона ба ин зуҳуроти номатлуб ибрози андеша намуд.
Мафҳуми муқовимат ба коррупсия фаъолияти тамоми мақомоти давлатиро барои ошкор, пешгирӣ ва бартараф намудани сабабу шароити ба омилҳои коррупсионӣ мусоидаткунанда, мубориза бо ҳуқуқвайронкуниҳою ҷиноятҳои коррупсионӣ, таъмин намудани ҳуқуқу озодиҳо, баланд бардоштани сатҳи зиндагии шаҳрвандон, пешрафти иқтисодиёт ва таъмини амнияти кишварро дар бар мегирад.
Пешгирии коррупсия яке аз самтҳои афзалиятноки фаъолияти Агентӣ маҳсуб шуда, дар доираи «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» пеш бурда мешавад.
Зикр гардид, ки чанде қабл аз ҷониби мутахассисони Агентӣ миёни аҳолӣ тадқиқот гузаронида шуд, ки мардум то чи андоза мафҳуми коррупсияро медонанд. Маълум гардид, ки аксарият танҳо 5 моддаи Кодекси ҷиноятии Ҷумҳурии Тоҷикистон (319, 320, 321, 324 ва 325)-ро ба коррупсия марбут донистанд, ҳол он ки 51 моддаи Кодекси зикргардида мафҳумҳои коррупсияро фаро мегирад.
Ҳамчунин, полковники адлия Қудбиддин Сафарзода доир ба ҳолатҳои коррупсионӣ дар кишварҳои гуногуни дунё, мубориза ва пешгирӣ бо ин амали номатлуб изҳори андеша намуд.
Мавсуф қайд кард, ки коррупсия ба пешрафти ҷомеа, рушду нумӯи он латма мезанад, сатҳи беҳдошти мардумро паст месозад. Агар ҳар як фарди ҷомеа ва субъектҳои мубориза бо коррупсия дар якҷоягӣ бо ин зуҳуроти номатлуб мубориза баранд, хавфҳои коррупсионӣ дар ҷомеа кам хоҳад гашт.

Дарси хизматӣ дар сатҳи баланд доир гардида, маърӯзачиён ба саволҳои кормандони милитсия посухҳои мушаххас доданд.
Х.Солиҳов  


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuni

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика