Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон


Маросими кушодашавии мусобиқаҳои варзишӣ

Имрӯз (28.01.с.2017), дар толори Муассисаи давлатии Мактаби ҷумҳуриявии маҳорати олии варзишӣ аз намуди гӯштин дар шаҳри Душанбе маросими кушодашавии мусобиқаҳои кушоди шахсӣ-даставӣ аз намудҳои футболи хурд, гӯштини миллӣ, шиноварӣ ва шашкаю шоҳмот миёни кормандон ва варзишгарони мақомоти ҳифзи ҳуқуқ, сохторҳои қудратӣ ва корхонаю муассисаҳои давлатӣ барои дарёфти «Ҷоми Вазири корҳои дохилии Ҷумҳурии Тоҷикистон» таҳти шиори «Ҷавонон – нерӯи созанда» баргузор гардид.
Дар ин чорабинӣ роҳбарияти Вазорати корҳои дохилӣ, Кумитаи ҷавонон, варзиш ва сайёҳӣ, Кумитаи оид ба корҳои дин, танзими анъана ва ҷашну маросимҳои миллӣ, Кумитаи миллии олимпӣ, Федератсияи футболи Тоҷикистон ва варзишгарон иштирок намуданд.


Бо сухани ифтитоҳӣ чорабиниро муовини Вазири корҳои дохилӣ генерал-майори милитсия Навҷувонов Абдулло Шанбиевич оғоз бахшида, варзишгарону иштирокчиёни мусобиқаҳоро ба муносибати оғози чорабиниҳои варзишӣ дар пайвастагӣ ба «Соли ҷавонон» табрику таҳният намуд.
Абдулло Навҷувонов дар баромади хеш қайд кард, ки бахшида ба «Соли ҷавонон» эълон гардидани соли 2017, ки аз ташаббуси Асосгузори сулху вахдати миллӣ, Пешвои миллат Президенти кишвар муҳтарам Эмомалӣ Рахмон маншаъ мегирад, ташкили чунин як чорабинии сатхи ҷумҳуриявӣ иқдомест саривақтӣ ва манфиатбахш.


Роҳбарияти Ҳукумати мамлакат ва Вазорати корҳои дохилӣ ба рушди варзиш дар ҷомеа, тарғибу ташвиқи хаёти солим таваҷҷӯҳи хоса дошта, тамоми шароитҳои заруриро дар ин самт фароҳам меоварад. Варзиш - ин қосиди сулҳу амонӣ, пайвандгари дӯстиву рафоқати халқу миллатҳо ба ҳисоб рафта, баҳри солимии омма, рушди инкишофи насли наврас ва обутоби ҷисмонии онхо нақши аввалиндараҷа дорад. Ҷавонони кишварамонро зарур аст, аз чунин имкониятҳои мусоид самаранок истифода бурда, барои ноил гардидан ба дастовардҳои баланди варзишӣ саъю кӯшиши худро равона созанд.
Боврии комил дорем, ки варзишгарони тоҷик дар мусобиқахои сатҳи гуногун фаъолона иштирок намуда, номбардори давлату миллат мегарданд, - афзуд дар хотимаи баромад Муовини Вазири корҳои дохилӣ Навҷувонов А.Ш.


Дар ҷараёни чорабинии тантанавӣ муовини аввали раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Назарзода Ризо, раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Сулаймон Давлатзода, котиби генералии Кумитаи миллии олимпии Тоҷикистон Муҳаммадшо Абдуллоев, ноиби президенти Федератсияи футболи Тоҷикистон Дилшод Ҷӯраев суханронӣ намуда қайд карданд, ки роҳбарияти Вазорати корҳои дохилӣ, дар баробари вазифаи аввалиндараҷаи худ, яъне таъмини тартиботи ҷамъиятӣ, амнияти шаҳрвандон ва мубориза бо ҷинояткорӣ, ҳамзамон дар рушди варзиш ва дастгирии варзишгарони ҷумҳуриамон саҳми босазои худро мегузорад. Чунин чорабиниҳои варзишӣ барои таҳкими дӯстию рафоқат миёни кормандони касбу корашон гуногун ва варзишгарони мақомот, корхонаву идораҳои кишвар мусоидат хоҳад кард.
Ҷавонон воқеан ҳам қувваи бузургеанд дар ҷомеа, ки қодиранд саҳми худро дар тамоми соҳаҳои зиндагӣ ва ободонии диёр гузоранд, аммо расидан ба ин ҳадафҳо аз онҳо муттаҳиддию ягонагӣ тақозо менамояд. Умед аст, ки варзишгарони мусобиқаҳои имрӯза бо иштироки фаъолонаи худ дили мухлисону ҳаводорони варзишро боз ҳам шод мегардонанд. Аз шумораи зиёди иштирокчиёни мусобиқа маълум аст, ки дар кишварамон варзиш рушд меёбад ва варзишгарони мо на танҳо дар дохил, балки дар арсаи байналмилалӣ парчамбардори Ватани маҳбуб мебошанд.


Сипас, Суруди миллӣ садо дода, варзишгарону иштирокчиёни мусобиқа таҳти садои оркестр бо саф, барои омодагӣ ба мусобиқаҳо равон шуданд.
Баъд аз маросими тантанавии кушодашавии мусобиқаҳои варзишӣ дар толори варзишии маҷмааи мазкур мусобиқаи «Футболи хурд» оғоз гардид, ки барои тамошои он мухлисони зиёд ҷамъ омада буданд.
Варзиш дар ҷомеа такондиҳандаи тарзи дурусти ҳаёт буда, хусусан ҷавонону наврасонро аз ҳар гуна кирдорҳои номатлуб нигоҳ дошта, онҳоро ба қавииродагӣ ва такмили ҷисму руҳ ҳидоят месозад.
Қобили қайд аст, ки мусобиқаҳои кушоди шахсӣ-даставӣ аз намудҳои футболи хурд, гӯштини миллӣ, шиноварӣ ва шашкаю шоҳмот миёни кормандон ва варзишгарони мақомоти ҳифзи ҳуқуқ, сохторҳои қудратӣ ва корхонаю идораҳои давлатии кишвар барои дарёфти «Ҷоми Вазири корҳои дохилии Ҷумҳурии Тоҷикистон» аз 23-юми январ то 5-марти соли 2017 дар толорҳои Муассисаи давлатии Мактаби ҷумҳуриявии маҳорати олии варзишӣ оид ба намуди гӯштин (Манеж), Маҷмааи варзишии ШҶ «Динамо» ва бинои РБДА ВКД идома ёфта, ғолибонро Ҷом, Ифтихорномаю Сипоснома ва тӯҳфаҳои арзишнок интизоранд.
Х. Солиҳов, Т. Латипов 


You have no rights to post comments



Рӯйдодҳо

  • Ошкор шудани ҷиноятҳои қаллобӣ

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда ....

    26.02.2020 10:48
  • Боздошти зани 27-сола бо гумони ташкил ва нигаҳдошти фоҳишахона

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 27-солаи ....

    26.02.2020 10:46
  • Рух додани ду садамаи нақлиётии марговар

    Рӯзи 25-уми феврали соли 2020, тахминан соати 22:30-дақиқа, ронандаи автомашинаи ....

    26.02.2020 10:43
  • Боздиди волидон аз шароити хизматии фарзандон дар қисмҳои ҳарбӣ

    Бо мақсади шиносоии волидон аз шароити буду бош ва хизмати ....

    25.02.2020 17:10
  • Бо корд захмӣ намудани ҷавони 28-сола

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 35-солаи ....

    25.02.2020 10:08
  • Ошкор шудани ташкил ва нигаҳдошти фоҳишахона

    Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия зани 27-солаи ....

    25.02.2020 10:06
  • Рух додани садамаҳои нақлиётии марговар дар ноҳияҳои Деваштич ва Ёвон

    Рӯзи 24-уми феврали соли 2020, тахминан соати 16:00, ронандаи автомашинаи ....

    25.02.2020 10:04
  • Суғд: Семинар-машварат ҷиҳати такмили фаъолияти дастаҷамъонаи мақомотҳои таъмини амният

    Дар Раёсати ВКД дар вилояти Суғд тибқи нақша чорабиниҳои Шуъбаи ....

    24.02.2020 16:53
  • Баррасии муроҷиати шаҳрванд боиси ба ҷазои маъмурӣ ҷалб кардани ....

    14 феврали соли 2020 зимни нишасти матбуотӣ собиқ хабарнигори ҳафтаномаи ....

    24.02.2020 15:51
  • Милитсияи пойтахт Рӯзи Артиши миллиро ботантана таҷлил намуд

    Вобаста ба таҷлили шоистаи рӯзи таъсисёбии Қувваҳои Мусаллаҳи Ҷумҳурии Тоҷикистон ....

    24.02.2020 15:08
  • 

    Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад. Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд. Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд. Дар ҳафт соли охир рушди иқтисодиёти кишвар ҳамасола ба ҳисоби миёна дар ....>>>

    Qonuni

    © 2020 Сомонаи расмии Вазорати корҳои дохилии Ҷумҳурии Тоҷикистон.
    Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
    Яндекс.Метрика