Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Суғд: Нишасти хабарӣ бо иштироки намояндагони ВАО

Имрӯз (25.01.с.2017), дар толори РВКД дар вилояти Суғд Нишасти матбуотӣ оид ба натиҷаҳои фаъолияти Раёсати мазкур дар давоми соли 2016 бо иштироки сардори Раёсат генерал-майори милитсия Назарзода Шариф Раҳмон ва намояндагони зиёди васоити ахбори умум баргузор гардид.
Дар оғози Нишасти хабарӣ сардори мақомоти корҳои дохилии вилоят Назарзода Шариф Раҳмон зикр намуд, ки ҳамкориҳои дуҷонибаи мақомоти милитсия бо рӯзноманигорон имконият медиҳад, ки масъалахои мубориза бар зидди ҷинояткорӣ ва пешгирии он дар васоити ахбори омма инъикоси воқеъбинона ёфта, баҳри бартараф намудани камбудию норасогиҳои дар фаъолияти оперативӣ-хизматии мақомот ҷойдошта мусоидат намояд.
Мавсуф таъкид намуд, ки роҳбарияти РВКД дар вилояти Суғд ба васоити ахбори омма диққати махсус зоҳир намуда, ҳар як маводи ба фаъолияти мақомоти милитсия дахлдоштаро мавриди таҳлилу муҳокима қарор медиҳад.


Баъдан Шариф Назарзода оиди натиҷаҳои фаъолияти оперативӣ-хизматии мақомоти корҳои дохилӣ дар давоми соли 2016 ба рӯзноманигорон иттилоъ дод. Мавсуф зимни суханрониаш аз вазъи ҷиноятҳои содиршуда дар соли сипаришуда маълумот дода, бо ёдоварӣ аз натиҷаҳои солҳои қаблӣ вазъи ҷинояткориро дар минтақа таҳлил намуд.
Бояд зикр кард, ки дар асоси пешниҳоди мақомоти милитсияи вилоят ва таҳлили дақиқи вазъи ҷинояткорӣ, бо қарори раиси вилояти Суғд таҳти № 300 аз 17.06.с.2016 «Барномаи вилоятии мубориза бар зидди ҷинояткорӣ барои солҳои 2016 - 2017» қабул ва мавриди иҷроиши кулли мақомотҳои ҳифзи ҳуқуқ ва сохтору кумитаҳои марбутаи Мақомоти иҷроияи ҳокимияти давлатии маҳаллӣ қарор гирифт.
Сардори мақомоти милитсияи вилоят Шариф Назарзода дар нишасти хабарӣ ҳамчунин оиди коҳиш ёфтани ҷиноятсодиркунии ноболиғону ҷавонон, афзудани қоидавайронкуниҳои ҳаракат дар роҳ ва натиҷаҳои назарраси амалиёти “Маданияти шаҳрдорӣ” дар ҳудуди вилояти Суғд ба рӯзноманигорон иттило дод.
Дар қисмати дуюми Нишаст намояндагони васоити ахбори умум ба суолҳои худ посух гирифтанд.
Муҳсин Юсупов, лейтенанти калони милитсия 


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика