Вазорати корҳои дохилии Ҷумҳурии Тоҷикистон озмуни дарёфти бурсияи таълимӣ дар заминаи таҳсилоти олии касбии бакалавриат аз рӯи ихтисоси ҳуқуқшиносӣ дар Академияи полиси шаҳри Дубайи Аморати Муттаҳидаи Арабро эълон менамояд.
Дар сурати пешниҳоди ҳуҷҷатҳои дархостшуда ва савияи донишу маҳорат, инчунин аз лиҳози ҷисмонӣ ҷавобгӯ будани номзадон (аз 17 то 21-сола, вазни мутаносиб бо баландии қади на кам аз 165 см) бо меъёрҳои мушаххаси қабули довталабон, ба онҳо муяссар мегардад, ки ҳангоми таҳсил аз имкониятҳои зерин бархурдор бошанд:
- идрорпулӣ (стипендия)-и моҳона;
- озод гардидан аз пардохти маблағи таҳсил;
- хизматрасониҳои тиббии ройгон (дар клиникаҳои полиси Дубай);
- манзили зист ва будубош (дар шаҳраки донишҷӯёни Академия);
- истифодаи таҷҳизоти низомӣ;
- озод гардидан аз пардохти хароҷоти раводид.
Довталабон бояд донандаи хуби забони англисӣ буда, дар давраи озмунҳо тавонанд озодона бо забони англисӣ ҳарф зананд.
Мӯҳлат то 15-уми сентябри соли 2023.
Барои гирифтани маълумот ва номнавис шудан ба телефони 221-30-38 муроҷиат намоед.
Раёсати кадрҳо ва кор бо ҳайати шахсии Вазорати корҳои дохилии Ҷумҳурии Тоҷикистон.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
