Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Маросими дипломсупорӣ дар Академияи ВКД

Зимни маросими дипломсупорӣ Сардори Академияи ВКД Зоиров Ҷ.М. баромад намуда, қайд кард, ки давраи донишҷӯӣ беҳтарин давра ба шумор рафта, дар ин айём шунавандагони Академия аз илму маърифат ва донишҳои ҳуқуқӣ бархурдор мешаванд. Онҳо пас аз хатми ин даргоҳи муқаддас бешак, дар ҳифзи тартиботи ҷамъиятӣ ва риояи ҳуқуқу озодиҳои шаҳрвандон саҳм гузошта, барои халқу Ватан хизмати софдилона хоҳанд кард.

Тавре дар сӯҳбат бо мо муовини Сардори Академияи ВКД оид ба ҳайати шахсӣ, номзади илмҳои техникӣ полковники милитсия Нарзуллоев Саидаҳмад Абдусаидович иброз дошт,  «Имрӯз 164 нафар хатмкунанда аз имтиҳонҳои давлатӣ гузашта, соҳиби дипломи ҳуқуқшинос гардиданд. Аз инҳо се нафар бо баҳои аъло имтиҳонҳои давлатиро супорида, як нафар хатмкунанда – Саидахмедова Умеда соҳиби дипломи аъло гашт. Инчунин, 25 нафар аз Хадамоти оташнишонӣ бо ихтисоси муҳандиси бехатарӣ аз сӯхтор имтиҳонҳои давлатиро супорида соҳиби маълумоти олӣ гардиданд.

Мо устодон аз таҷрибаи омӯзгории хеш хуб истифода карда, кӯшиш ба харҷ медиҳем то онҳо соҳиби донишҳои  мукаммали замони муосир гардида, ватандӯсту хештаншинос бошанд».

Дар хотима, Раиси Комиссияи имтиҳоноти атестатсияи давлатии хатмкунандагони Академияи ВКД, муовини Вазири корҳои дохилӣ генерал-майори милитсия Умаров Икром Исломович ва Сардори Академияи мазкур генерал-майори милитсия Зоиров Ҷурахон Маҷидович ба хатмкунандагон диплом супорида, дар фаъолияти хизматиашон муваффақиятҳо ва бурдбориҳо таманно намуданд.

Маҳбуба Гулова, Рухшона Шукурова.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика