Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Озмуни расми беҳтарин дар ноҳияи Рӯдакӣ

Аз тарафи сарвар ва масъулони Гимназия баҳри дар сатҳи баланд доир гардидани чорабинӣ барои иштирокчиёни озмун тамоми шароитҳои лозимӣ муҳайё шуда буданд.

Боиси тазаккур аст, ки қаблан чунин озмун дар байни мактаббачагони ҳар мактаби ноҳия дар алоҳидагӣ ва баъдан байни ғолибони озмуни ҳамаи мактабҳо баргузор шуд, ки он ғолибони озмуни байни мактабӣ, ки маҳорати хуб ва истеъдоди баланди расмкашӣ доштанд ба озмуни ноҳиявӣ роҳхат гирифтанд. Дар озмуни ноҳиявӣ аз байни 156 муассисаи таълимии ноҳия танҳо намояндагони 30 мактаб дар ду гуруҳ, яъне аз синфи 4 то 7 ва гуруҳи дуюм аз синфи 8 то 11 байни худ қувваозмоӣ намуданд.

Расмҳои кашидашудаи мактаббачагон, ки ба маърази ҳайати ҳакамон ва тамошобинон пешкаш гардида буданд ва ҳар он расмҳои ҷолибе, ки дар рафти чорабинӣ бевосита аз тарафи онҳо вобаста ба мавзӯъ кашида мешуданд, далели тайёрии ҷиддӣ дидани ҳар як иштирокчӣ ба озмуни ноҳиявӣ буд.

Мувофиқи холҳои ба даст оварда, аз тарафи ҳайати ҳакамон дар гуруҳи якум ҷойи аввал ба хонандаи мактаби №66 Нуриддинова Мунисса, ҷойи дуюм ба хонандаи мактаби №7 Усмонова Шаҳноза ва ҷойи сеюм ба хонандаи мактаби №15 Исломов Меҳрубон сазовор дониста шуд.

Дар гуруҳи дуюм бошад ҷойи аввал ба хонандаи мактаби №59 Собирова Дилафрӯз, ҷойи дуюм ба хонандаи мактаби №1 Олимҷон Обидҷонов ва ҷойи сеюм ба хонандаи мактаби №14 Давлатмурод Олимов дода шуд.

Ба ғолибони озмун аз тарафи муовини сардори ХДО ноҳияи Рӯдакӣ Ашуралӣ Тураев ва сармутахассиси Шӯъбаи маориф Абдусамад Муминов ифтихорнома ва тӯҳфаҳои хотиравии қиматнок супорида шуданд.

Ҳамчунин барои иштироки фаъол дар озмун ба мактаббачагони 11 мактаби дигар низ ифтихорномаҳо дар шароити тантанавӣ супорида шуданд. Дар интиҳо иштирокчиён ва тамошобинони озмун аз баргузории чунин як чорабинии ҷолибу бошукӯҳ изҳори хушнудӣ намуда, ба ташкилкунандагони он изҳори сипос намуданд.

Воқеан баргузории чунин чорабиниҳо аз манфиат холӣ набуда, дар баланд бардоштани маърифати ҳуқуқии шаҳрвандон ва ҳифзи моликияти хусусию давлатӣ аз сухтор саҳми сазовор хоҳад гузошт.

Изатулло Мирзоалиев, Исрам Холов, кормандони ХДО ноҳияи Рӯдакӣ.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика