Сипас сардори Раёсати ҳифзи тартиботи ҷамъиятии ВКД полковники милитсия Бароталӣ Ҳомидов табрикоти Вазири корҳои дохилӣ генерал-лейтенанти милитсия Рамазон Раҳимовро ба кормандони ХДО расонида, ба онҳо дар кору фаъолияти пурмасъулу заҳматталабашон муваффақиятҳо орзу намуда, кору фаъолияти ҳамарӯзаи онҳоро шоистаи таҳсину офарин арзёбӣ намуд.
Собиқадорони соҳа низ дар баромадҳои худ аз давраҳои гуногуни ташкилёбии хадамоти оташнишонӣ ва саҳми арзандаи кормандони он дар ҳифзи саломативу ҳаёти одамон ва моликияти хусусиву давлатӣ аз сӯхтор суханронӣ намуданд.
Дар ҷамъбасти чорабинӣ ба оилаҳои кормандони ҳалокгардидаи ХДО, иштирокчиёни Ҷанги Бузурги Ватанӣ, маъюбони ХДО ва собиқадорони соҳа тӯҳфаҳои қиматнок ва маблағи муайяни мукофотпулӣ супорида шуданд. Кормандони фаъоли соҳа бошанд бо ифтихорномаву нишонҳои сарисинагӣ сарфароз гардонида шуданд.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>
