Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Базми шеъру суруд дар васфи Ватан ва Истиқлолият дар Академияи ВКД

341

Рӯзи 4-уми апрели соли 2018, дар толори Академияи ВКД чорабинии фарҳангӣ бо номи «Базми шеъру суруд дар васфи Ватан ва Истиқлолият» бо иштироки узви Иттифоқи нависандагони Тоҷикистон, аълочии фарҳанг, шоири ширинкалом Хайрандеш ва ҳунарманди халқии Тоҷикистон устод Қурбоналӣ Раҳмон баргузор гардид.
Чорабинии фарҳангиро сардори Академияи ВКД генерал-майори милитсия Шарифзода Ф.Р. ҳусни ифтитоҳ бахшида, қайд намуд, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба густариши фарҳангу ҳунарҳои мардумӣ таваҷҷӯҳи хос зоҳир намуда, аҳли фарҳангу ҳунарро ҳамаҷониба дастгирӣ менамоянд ва имсол «Соли рушди сайёҳӣ ва ҳунарҳои мардумӣ» эълон шудааст.

342

Дар ҳамин асос бо дастгирии ҳамаҷонибаи Вазири корҳои дохилӣ генерал-полковники милитсия Раҳимзода Рамазон Ҳамро баҳри баланд бардоштани сатҳи фарҳангии кормандон чорабиниҳои фархангӣ бо аҳли ҳунар ва зиёиён мунтазам гузаронида мешаванд, ки чорабинии имрӯза низ тараннумгари шеъру суруд дар васфи Ватан ва Истиқлолият мебошад.
Дар чорабинӣ узви Иттифоқи нависандагони Тоҷикистон, аълочии фарҳанг, шоири ширинкалом Хайрандеш ва ҳунарманди халқии Тоҷикистон устод Қурбоналӣ Раҳмон ширкат доштанд, ки бо эҷод ва ҳунари худ хотири ҳайати шахсиро шод намуданд.
Шоири ширинкалом Хайрандеш аз ашъори хеш шеърҳо хонда, устод Қурбоналӣ Раҳмон сурудҳои дилошӯбро аз эҷодиёти шоир Хайрандеш бо маҳорати баланд сароид. Ҳамчунин курсантони факултети№2 аз ашъори Хайрандеш шеърҳо қироат намуданд.
Аз базми шеъру суруд дар васфи Ватан ва Исиқлолият курсантони Академия завқи баланди эстетикӣ бурда, меҳру муҳаббаташон ба Ватан афзуда, бо рӯҳияи баланд аз Истиқлолияту ваҳдати миллӣ сипосгузорӣ намуданд.

343

Чорабиниро бо сухани хотимавӣ сардори Академияи ВКД генерал-майори милитсия Шарифзода Ф.Р. ҳусни анҷом бахшида, ба устодони каломи бадеъ ва ҳунар барои чунин чорабинии фарҳангии сатҳи баланд арзи минатдорӣ намуд.
Асламов Б.С.,Убайдуллоев Ш.Э.


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonuno

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика