Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ бо собиқадорон дар ноҳияи А.Ҷомӣ

Имрӯз (23.09.с.2017), дар ШВКД ноҳияи А.Ҷомӣ вохӯрии кормандони милитсия бо собиқадорони соҳа баргузор гардид.
Дар вохӯрӣ сардори Шуъбаи Вазорати корҳои дохилӣ дар ноҳияи А.Ҷомӣ полковники милитсия Назарзода Толиб, собиқадорони РВКД дар вилояти Хатлон ва ҳайати шахсии шуъбаи мазкур иштирок намуданд.

Дар рафти вохӯрӣ сардори Шуъбаи мазкур полковники милитсия Назарзода Толиб баромад намуда, хизмати собиқадорони милитсияро дар барқарорсозии сохти конститутсионӣ ва таъмини сулҳу суботи кишвар басо муҳим арзёбӣ намуд. Зикр гардид, ки сулҳ неъмати гаронбаҳоест, ки миллатро бузургию арзи баланд ато намуда, давлатро шуҳратёр мегардонад.
Дар ҷомеаи имруза падидаҳои нави ҷинояткорӣ аз қабили терроризм, экстремизм, равияву ҳаракатҳои номатлуб, ҷинояткории муташаккилона, муомилоти ғайриқонунии силоҳ ва маводи мухаддирро ба вуҷуд овардаанд, ки фаъолияти кормандонро боз ҳам вазнинтар менамояд.
Вале, кормандони милитсия ҳамеша ҷаҳду талош менамоянд, ки ҳар як ҷиноят сари вақт ошкор гардида, ҷинояткорон ҷазои сазовор гиранд.
Раиси Шӯрои собиқадорони вилоят подполковники мустаъфӣ Лақаев Ш. аз фаъолияти тӯлонии худ дар мақомоти ҳифзи ҳуқуқ ҳарф зада, ба кормандони ҷавони шуъба аз таҷрибаҳои корӣ мисолҳо овард ва онҳоро ба поквиҷдониву хушмуомилагӣ даъват намуд.

Кормандони милитсия аз ин вохӯрӣ рӯҳу илҳоми тоза гирифта, қавл доданд, ки ҳамеша ба савганди худ содиқ ва барои ҳифзи халқу диёр бо ҷону дил кору фаъолият хоҳанд намуд.
Сипас аз ҷониби роҳбарияти Шуъбаи Вазорати корҳои дохилӣ дар ноҳияи А.Ҷомӣ ба собиқадорон тӯҳфаҳои хотиравӣ тақдим гардид.
Офоқи Қодириён, подполковники милитсия


Шарҳи Шумо

Security code
Азнавсози



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2018 бо рӯйдодҳои ниҳоят муҳимму хотирмони худ барои мардуми шарифи Тоҷикистон ва давлати соҳибистиқлоли тоҷикон соли воқеан таърихӣ буд. Бисту дуюми марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии мо дар соҳаи об - «Даҳсолаи байналмилалии амал «Об барои рушди устувор, солҳои 2018-2028» бо иштироки Роҳбари давлат дар Маҷмаи умумии Созмони Милали Муттаҳид расман оғоз гардид. Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст. Ба кор андохтани агрегати якуми нерӯгоҳи барқи обии “Роғун”, яъне иншооти тақдирсози аср ва ояндаи дурахшони Тоҷикистон, ки ....>>>

Qonun

© 2019 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика